Бахшҳо

Мушовири президент гуфтаҳояшро дар мавриди салафия шарҳ дод

Саймурод Фаттоев, мушовири давлатии президенти Тоҷикистон, изҳороти ахираш дар мавриди муносибати давлат ва динро, ки аз ҷониби бархе ҳамчун ҳимоят аз мазҳаби салафия талаққӣ шудааст, шарҳ додааст.

Фаттоев 15-уми август, дар ҷаласаи «Маҳфили ҳамкориҳои иҷтимоӣ» дар мавзӯи “Муносибати давлат ва дин дар ҷомеа” ибрози назар карда, аз ҷумла зикр намудааст, ки 4-уми июл дар мулоқот бо руҳониён президенти кишвар Эмомалӣ Раҳмон гуфт, "давлати Тоҷикистон барои бароварда кардани ниёзҳои динии мусулмонон ва намояндагони дигар мазҳабу динҳои кишвар тадбирҳои сершумор амалӣ намудааст ва хоҳад кард.”

Бо ишора ба гуфтаҳои Эмомалӣ Раҳмон ва ҳаводиси хунини олами араб Саймурод Фаттоев афзудааст, ки барои оромиш ва субот дар ҷомеа принсипи дунявият аз ҳама беҳтар аст: “Чунки дар ҷомеаи дунявӣ ҳар нафар дар интихоби ақидаи динӣ ва ҷаҳонбинӣ озод аст ва ҳеч кас ҳақ надорад, ақидаи худро ба дигарон таҳмил кунад.”

Мушовири давлатии президент ҳангоми муҳокимаронӣ дар мавриди эҳтиром гузоштан ба арзишҳои динию мазҳабӣ таъкид намудааст, ки “дар мавриди дину диёнат, мазҳабу ҷараёнҳо ботаҳаммул бошем, аз тундгароӣ роҳ нагирем ва мо бояд коре кунем, ки ба иззати нафси намояндагони дину мазҳабҳои дигар нарасем. Зеро бархе аз онҳо дар баъзе кишварҳои ҷаҳон характери расмӣ доранд. Масалан, ҷараёни салафия ҳарчанд дар кишвари мо мамнуъ эълон шуда бошад ҳам, вале дар кишвари Арабистони Саудӣ аксари мардум аз он ҷонибдорӣ мекунанд.”

Бо ишора ба он, ки таҳлилгарон ва бархе аз руҳониён ин изҳороти мушовири давлатии президентро як навъ тағйир ва таҳриф намуда, онро ҳамчун муносибати давлат ба салафиҳо талаққӣ кардаанд, хабаргузории "Ховар" аз Саймурод Фаттоев бори дигар хоҳиш намудааст, ки гуфтаҳои худро барои омма ташреҳ диҳад.

Дар шарҳи Фаттоев аз ҷумла омадааст, “он чи ки ман дар ҳамон ҷаласаи Шӯрои ҷамъиятӣ изҳор доштам, баъзе рўзноманигорону коршиносон онро ба манфиати худ истифода карданӣ шуда, гуфтаҳои мазкурро таҳриф карданд. Гап сари он меравад, ки Тоҷикистон давлати дунявӣ буда, эътиқод ба ин ё он дин озод аст. Яъне ҳар кас метавонад ба кадом дине ки хоҳад гаравад: он хоҳ исломӣ бошад, хоҳ насронӣ. Ё метавонад, ки дорои мафкураи даҳрӣ бошад. Фақат шарти муҳим он аст, ки Конститутсия ва қонунҳои амалкунандаро риоя намояд, ба ихтилофи динию мазҳабӣ, миллию нажодӣ роҳ надиҳад. Танҳо дар ҳамин сурат ҳамдигарфаҳмӣ, эҳтироми тарафайн ва сулҳу субот дар ҷомеа таъмин мегардад.”
Мӯҳр
на факат мо дини исломро мехохем на насрони на дигараш мо дини исломро мехохем ки чи гуна пайгамбар ( с) амур кардабошад

Шарванд
Боз хам дуруг ва боз хам тахриф! Агар рост мегуед, чаро акидаи дунявияти худро шумо як гурухи хурдакак ба 90% мардуми мусалмон тахмил мекунед? Дуввум чаро ин кадар бачахои точик факат ба хотири салафи, таблиги ва хатто нахзати, ки як хизби расми аст дар зиндонанд? Чаро охир, факат ба хотири ин, ки акидаашон ба шумо хукуматдорон маъкул нест?! Чаро бо миллат руи рост гап намезанед? Агар рост мегуед чаро ба аъзои хизбхои дигар аз зуру фишору тахкир истифода мебаред? Гапи гузаштаатон хам як эътироф ва хам хатои дипломати буд, инро кабул кунед, сухан, ки аз дахон парид дигар чамъ карданаш мушкил аст.

якбаяк
Фаттоев сар вайронай чи. Хами гуфтахотам чунин маъни дора ки салафихода кор нагирен

soir
То шумо ина фахмидед бисерихо 5-6 соли умри худро дар махбас гузарониданд

Мохпари
Ба шахрванд!!! Боз хамон сенарияи маймунбози ва мардумро ба 90 ва 10 фоиз таксим карданро сар кардаед. Кадом бачахои нахзати дар махкама хастанд? Русиёхи накун. Як гапи намешидагира мекаши ин тарафу он тараф ва окубат аз ин тов додани ту баринхо мо халки одди чабр мебинем. Кор надори дига. Хамин кадар сомонаи хонданбобро Р--- чазир карден. Миллат аз ту хам безор хаст, аз салафи ва дигархоятон. Барои мо ороми ва асаби тинч лозим аст, дигараша ту не! Худо медихад.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)