Бунёди як корхонаи коркард ва истеҳсоли нефт дар деҳаи Турбақалъаи ноҳияи Шаҳринав оғоз гардид.
Тавре ба хабаргузории «Озодагон» аз хадамоти матбуотии райисҷумҳур иттилоъ доданд, дар маросими шурӯъи корҳои сохтмонии ин иншоот Эмомалӣ Раҳмон ширкат дошт. Бино ба қавли сарчашмаи хабар, корхонаи мазкур ҷониби як соҳибкори ватанӣ сармоягузорӣ шуда ва дар назар аст, дар муддати як соли оянда мавриди баҳрабардорӣ қарор гирад. Тавоноии ин корхона 100 ҳазор тонна нефт дар як сол пешбинӣ шуда, дар сурати ба кор оғоз кардани он ҳудуди 300 нафар бо ҷойи кор таъмин хоҳанд гашт.
Эмомалӣ Раҳмон зимни дидор бо сокинони ноҳияи Шаҳринав ба зарурати кашфу истихроҷи захоири нафту гази ватанӣ таъкид карда иброз дошт, ки дар сурати баҳрабардорӣ аз чоҳи гази “Сариқамиш”-и ин ноҳия сокинони Тоҷикистон дар муддати 50 сол бо гази худӣ таъмин хоҳанд шуд.Тибқи иттилоъи ширкати “Газпром”-и Русия, ки корҳои ҷустуҷӯиро дар ин кони маъдан анҷом медиҳад, захираи газ дар ин чоҳ ҳудуди 60 миллиар метри мукаъаб буда ва дар чуқурии 6300 метр воқеъ гаштааст.{jathumbnail off}
Мӯҳр