Бахшҳо
28 авг 2013 17:02Тоҷикистон / Иҷтимоӣ

Тошев маҳбусонро дар рӯзи марги Икромзода ба гуруснанишинӣ хонд

Сунатулло Ризоев ва Садриддин Тошев, ду маҳбуси муттаҳам ба дуруғгӯӣ ҳамроҳ бо вакилони мудофеашон аз иштирок дар мурофиаи додгоҳӣ, ки имрӯз, 28-уми август дар Хуҷанд дар назар буд, даст кашидаанд ва мурофиа боз ба таъхир афтодааст.

Файзиниссо Воҳидова, вакили дифои Садриддин Тошев дар суҳбат бо “Озодагон” далели худдорӣ аз иштирок дар мурофиаро иҷро нагардидани талабашон гуфт, ки мехоҳанд, мурофиа на дар СИЗО балки дар толори додгоҳи шаҳри Хуҷанд баргузор шавад: “Қонуни мурофиавӣ таъин намудааст, ки маҳали баррасии парванда толори додгоҳ мебошад, на толори СИЗО.”

Аммо мақомот ба далели набудани шароити интиқоли маҳбусон ба толори додгоҳ пофишорӣ дорад, ки мурофиа дар СИЗО-и Хуҷан гузарад.

Садриддин Тошев ва Суннатулло Ризоев, тирамоҳи соли гузашта, дар пайи марги Ҳамза Икромзода дар зиндони рақами аввали Душанбе, ҳамроҳ бо маҳбусони дигар ба маҳбаси Хуҷанд интиқол ёфтанд ва айни ҳол барои пахши ахбори дурӯғин оиди шиканҷа дар зиндони Хуҷанд муттаҳам мешаванд. Садриддин Тошев мулаққаб ба "Қорӣ" дар даврони ҷанги дохилӣ яке аз фармондеҳони нерӯҳои мухолифин дар ҷабҳаи Обигарм маҳсуб мешуд.

Воҳидова бо такя ба хулосаи санҷишҳои худи Раёсати ислоҳии Тоҷикистон аз эҳтимоли сиёсӣ будани парвандаи нав алайҳи Садриддин Тошев ҳушдор медиҳад. Ӯ гуфт, дар хулосаи ташхисҳои худи Раёсати ислоҳӣ, ки пеш аз интиқоли Тошев аз Душанбе ба Хуҷанд таҳия шудааст, аз ҷумла омадааст, “ки Тошев ақидаҳои устувори зидди сиёсати давлат дорад ва тариқи паноҳӣ миёни маҳбусон ақидаҳояшро тарғиб мекунад.”

Воҳидова ақидаҳои Тошевро яке аз сабабҳои интиқолаш аз зиндони Душанбе ба Хуҷанд гуфт. Ин вакили дифоъ таъкид намуд, ки зерҳимояаш Тошев дар пасманзари он, ки ҳамаи дархостҳояшон рад мешаванд, имрӯз, 28-уми август, тариқи адвокатҳояш аз тамоми маҳбусони тоҷик, ки ҷонибдори адолатанд, даъват намудааст, ки дар рӯзи марги Ҳамза Икромзода, ки 21-уми сентябр аст, гуруснанишинӣ кунанд.

Тошев ҳушдор додааст, ки дар сурати радди минбаъдаи дархостҳояш гуруснанишинии бемуҳлат эълон хоҳад кард.

Ҳамза Икромзода моҳи сентябри соли 2012 дар зиндони рақами аввали шаҳри Душанбе ба таври мармуз ба ҳалокат расид. Дар пайи марги ӯ як гуруҳ маҳбусони ин зиндон, ки аз шоҳидони аслии шиканҷа ва марги Икромзода арзёбӣ мешуданд, ба Хуҷанд интиқол ёфтанд.
Мӯҳр
Хакикатчуй
ОЗОДАГОН, мо дар шуморахои пешин аз Шумо хохиш намудем, ки нисбати бо кадом гунохои кардааш мархум Икромзода ба махбас кашида шудааст ба хонандагони худ маълумот дихед. Шумо то хол оиди ин масъала харф назадаед, яктарафа бахо медихед. Чунки аз руи баъзе маълумотхо у ба хонаи як муллои камбагал даромада духтари Уро дар пеши чашми падар тачовуз кардааст. агар ин дуруст бошад, боз такрор менамоям, ки Конунхои махбусон чунин сахт аст, ки ин хел гунахкорро худашон аз ин дида сангинтар чазо медиханд. Агар хамин хел бошад нафаре аз ин ходиса химоят мекунад У мисли Ризоеву Тошев ва Вохидова мутахам ва даюсанд, ки окибати онхо аз ин дида бад аст. Худо чазои золимонро дихад ОМИН.

муслима питер
Хакикатчуй,
бАРОДАРИ ХАКИКАТЧУЙ МО МЕДОНЕМ КИ ИН МАХБУСОН ВА ХУДИ ХАМЗА БО ЧУРМ ДАР МАХБАС МУЧРИМ ХАСТАНД ВАЛЕ ГАП ДАР САРИ ОН КИ БЕ АДОЛАТИИ КИШВАРИ МО ВА ХУДИ РОХБАРОНЕ КИ ДАР ИДОРАХО МАХСУС ДАР ИДОРАХОИ ИСЛОХТИ ШИКАНЧА БА АВЧИ АЛО ХАСТ ВА ДАР ИН ЧО ХУДИ МАХБУСИН БО ДАЛЕЛУ ИСБОТ НИШОН МЕДИХАНД ..............

саид
Бародар хакикатчуй . аз он ки ман шунидам , ин Хамза дар хакакикат хонаи шайхи Мансур шабона даромадааст. Нисбати ин шайхи бечора ва зану духтарояш амали гайри инсониро ба чо овардааст . Дар хусуси тачовуз гунохашро ба гардан намегриам , вале факт аст ки шабона ба хонаи шайх даромадаст. Дар ин хусус сухбати худи Шайх дар сайти озоди аст. худо чазо дод ин дузди мутахмаро .. бо он ки мегуянд мо на барои Хамза балки барои шиканча дар зиндонхо мубориза мебарем фанд аст, гумон мекунам ин чо боз пул аст.. Гунакор бигузор чазояшро бинад.

Бародар Хакикатчу! Худо рахмат кунад он чавонро, фарз кардем, ки у тачовузкори карда буд, вале кайхо барои кафорати гунох дар зиндон буд. Фарки зиндондорон аз чинояткор чи аст, чинояткор бечораро азият медихад ва чун зиндони шуд худ бечора аст, зиндонихо хам бечораеро бо "электрошок" мекушанд. Пас фаркашон дар чист?
Максад аз хама ин эътирозхо дигар чи аст. Зиндон набояд чои куштору азият бошад. Бо бадкирдори намешавад касеро ислох кард.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)