Turajon.org дар бораи пӯшидани кафшҳои пошнабаланд
Сомонаи Turajon.org, торнамои хонаводагии бародарон Тӯраҷонзодаҳо, аз рӯҳониёни саршиноси Тоҷикистон пӯшидан ва фурӯхтани кафшҳои пошнабаланд (каблук)-ро барои занҳо нораво хондааст.
Торнамои Turajon.org дар посух ба суоли яке аз корбаронаш, гуфтааст, “агар он кафшҳо пошнабаланд бошанд ва пӯшидани ин навъ кафшҳо хоси занҳои фосиқа бошанд ва дар вақти роҳ рафтан овоз содир кунанд, пас пӯшидан ва фурӯхтани ин навъ кафшҳо барои занҳо ҷоиз нест.”
Ин торнамо шарҳ додааст, ки дар Қуръон ба занҳои мусалмон хитоб мешавад, "ва пойҳои худро дар замин накӯбанд то зинати пӯшидаи худро ба дигарон бифаҳмонанд." Яъне Худованд дар ин оят аз баровардани овози занҷире, ки занҳо дар пояшон мекарданд, наҳй кардааст.
Вале ба навиштаи Turajon.org, агар кафшҳои пошнабаланд, ба шарте, ки зиёд баланд набошаду овоз содир накунаду хоси занҳои фосиқа набошад ва барои зан зарар нарасонад, пас пӯшиданаш барои онҳо ва инчунин фурӯхтанаш ҷоиз мебошад.
Торнамои мазкур ба корбаронаш тавсия додааст, ки аз пӯшидани ин навъи кафш худдорӣ кунанд: “агар занҳо ин навъ кафшҳоро напушанд беҳтар аст.”
Ин дар ҳолест, ки моҳи марти соли ҷорӣ маъмурияти Донишгоҳи омӯзгории Тоҷикистон ба номи Садриддин Айнӣ аз духтарони донишҷӯ ва муаллимаҳо хоста буданд, ки бо пойафзолҳои пошнапаст, аз ҷумла «иринка» ба дарсҳо ҳозир нашаванд ва тавсия доданд, ки кафшҳои пошнабаланд пӯшанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |