(АКС) Писари калонии Оқохони 4 бо Спирс ақди никоҳ баст
Шоҳзода Раҳим, писари калонии Оқохони 4-ум, роҳбари руҳонии исмоилиёни ҷаҳон, бо Кендра Спирс, як духтари 24-солаи амрикоӣ ақди никоҳ баст.
Тибқи иттилои хабаргузориҳои ғарб маросими тӯй 31-уми август, тибқи анъанаҳои мусалмонон бо ҳузури намояндагону дӯстони ҳар ду оила дар Женева баргузор гардид. Ақди никоҳи ин ду навҷавонро яке аз руҳониёни маъруфи шиа, Саид Муҳаммад Мусовӣ бастааст.
Кендра Спирс дар донишгоҳи Вашингтон сотсиологияро омӯхта, унвони бакалавр дорад. Ӯ ба меъморӣ, санъати рассомӣ ва мусиқӣ шавқ доштааст. Шоҳзода Раҳим низ унвони бакалаври Донишгоҳи Браунро дорад ва инчунин дар мактаби тиҷорати Наварра таҳсил намудааст.
Роҳбари исмоилиёни ҷаҳон чаҳор фарзанд дорад: шаҳдухт Заҳро Оқохон, шаҳзода Раҳим Оқохон ва шаҳзода Ҳусейн Оқохон аз Бегим Салима Оқохон ва шаҳзода Алӣ Муҳаммад Оқохон аз Бегим Инора Оқохон.
Ҳоло дар Тоҷикистон дусад ҳазор пайрави исмоилия ба сар мебаранд, ки аксари онҳо муқими Бадахшони Тоҷикистонанд. Нахустин ва бузургтарин маркази фарҳангии исмоилиҳо дар маркази шаҳри Душанбе се соли пеш мавриди истифода қарор гирифт, ки аз 25 ҳазор метри мураббаъ иборат аст. Сохтмони ин бино ҳанӯз соли 2003 бо ҳузури Эмомалӣ Раҳмон ва Оқохони чаҳор оғоз ёфта, тақрибан ҳафт сол идома кард.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |