Эмомалӣ Раҳмон: Медонам, ки дар интихобот на ҳама ба ман овоз медиҳанд
Эмомалӣ Раҳмон, раисиҷумҳури Тоҷикистон, зимни маъруза дар як ҷаласаи ахири ҳукумат ба мавзӯи интихоботи президентии моҳи ноябри соли равон дахл карда, гуфтааст, “дақиқ медонам, ки дар интихобот 80, 90 ва 100 дарсади овозҳоро намегирам.”
Дар ин бора Ҷумъахон Давлатов, мушовири давлатии президенти Тоҷикистон, имрӯз, 6-уми сентябр, зимни як ҳамоиш дар Душанбе изҳор дошт.
Ба гуфтаи Давлатов, “президент дар яке аз маърузаҳояш дар ҷаласаҳои охири ҳукумат дар бораи интихобот сухан ронда, қайд карда буд, ки ман хуб медонам, дар Тоҷикистон мухолифин ҳастанд, ман медонам, ки ҳеч гоҳ 80, 90, 100 дарсади раъйи мардумро намегирам. Президент гуфт, мухолифин низ тарафдорони худро доранд ва ҷонибдори ман нестанд.”
Давлатов мегӯяд, бо зикри ин Эмомалӣ Раҳмон дастур дод, ки дар қитъаҳои раъйдиҳӣ тақаллубкорӣ аз байн гирифта шавад ва ба ӯ танҳо овозҳое мансуб гарданд, ки воқеан гирифтааст. Интихоботи президентӣ дар Тоҷикистон 6-уми ноябри соли равон дар назар гирифта шудааст ва интизор меравад, ки ҳизби ҳокими ҲХДТ номзадии раисиҷумҳури феълӣ, Эмомалӣ Раҳмонро пешниҳод кунад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |