Қарзовӣ ба занҳо иҷоза дод, бе маҳрам ба сафари Ҳаҷ бароянд
Юсуф Қарзовӣ, раиси Иттиҳоди мусулмонони ҷаҳон, сафари занонро ба Ҳаҷ бидуни маҳрам (шавҳар, писар, бародар, тағову амак ва ҷиян) раво хондааст. Қарзовӣ ба суоли яке аз корбарони торнамои “qaradawi.net” гуфтааст, ҳар чанд аз Паёмбар (с) аҳодисе дар мавриди мамнуъ будани мусофирати зан дар танҳоӣ омадааст, вале дар замони мо бонувон дар сурате, ки маҳрам надоранд, метавонанд худ ба зиёрати хонаи Худо раванд.
Ба гуфтаи Юсуф Қарзовӣ, сафарҳои ҳозира ба мисли сафарҳои давраҳои пешин хавфу хатари зиёд надорад. Ӯ мегӯяд, “имрӯз шумораи зиёди мардум дастҷамъона тавассути ҳавопаймо, автобус ё киштӣ ба Ҳаҷ сафар мекунанд, ки дигар ҳарос аз рӯбарӯ шудан бо дуздону роҳзанон дар роҳ боқӣ намондааст.”
Аз ин рӯ, ба назари раиси Иттиҳоди мусулмонони ҷаҳон, зан метавонад, дар ин фазои ором бо шарикони мусулмони худ ба зиёрати хонаи Худо равад. Дар Тоҷикистон аксари занон бо ҳамроҳии афроди барояшон наздик, ба мисли шавҳар, падар, додару писар ва тағою амаки худ ба зиёрати Ҳаҷ мераванд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |