“Ватандор” аз тарафдоронаш хост, то рӯзи ҷаласа хомӯш бошанд
Ҷунбиши сиёсии “Ватандор” аз аъзо ва тарафдоронаш хостааст, то замони баргузории ҷаласаашон аз ҳамагуна изҳори назар дар бораи интихоботи президентии Тоҷикистон ва номзади аҳзоб худдорӣ кунанд.
Додоҷони Атовулло, журналисти шинохта ва раҳбари “Ватандор”, рӯзи 18 сентябр эълон дошт, ки базудӣ ҷаласаи навбатии худро баргузор ва нисбат ба интихоботу номзадҳо мавқеъгирӣ хоҳанд кард.
“Баъд аз машварати корӣ бо аъзо ҷунбиши "Ватандор" дар бораи ширкат дар интихоботи президентӣ ва ҳамчунин номзади ягона, мавзеи худро эълом хоҳад намуд”,-гуфтааст ӯ. Ба қавли Додоҷони Атовулло, “мо тамоми саъйи худро сарфи ҳузур ёфтани тамоми аъзо хоҳем намуд, вале дар сурати ҳузур ёфта натавонистани аъзои ҷунбиш аз дохили Тоҷикистон, ҳатман назари онҳоро аз тариқи васоили иртиботӣ дарёфт карда ва сипас якдилона мавзеъ хоҳем гирифт”.
Ин дар ҳолест, ки чанде пештар Додоҷони Атовулло аз тасмими Иттиҳоди нерӯҳои ислоҳотхоҳи Тоҷикистон барои пешбарии Ойниҳол Бобоназарова ба мақоми президентӣ интиқод карда буд. Ӯ Раҳматилло Зоиров, раиси Ҳизби сотсиал-демократи Тоҷикистонро номзади муносиб медонист. Созмони “Ватандор” чанд соли қабл дар Маскав аз сӯи Додоҷони Атовулло таъсис шуда, то ҳоло маълум нест, чи қадар аъзо ва тарафдор дорад. Худи Атовулло гуфта, ки ба далели амнияти тарафдорону аъзояш номи онҳоро ошкор намекунанд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |