Бахшҳо
20 сен 2013 11:50Тоҷикистон / Сиёсат

Ҳушдори ситоди Бобоназарова ба раҳбарони шаҳру навоҳӣ

Ситоди интихоботии Ойниҳол Бобоназарова, номзад ба мақоми президентӣ аз Иттиҳоди нерӯҳои ислоҳотхоҳи Тоҷикистон (ИНИТ), ҳушдор дод, ки дар сурати идомаи монеагузориҳо раҳбарони бархе аз шаҳру навоҳии кишварро ба додгоҳ хоҳад кашид.

Ба қавли масъулони ин ситод, то ҳоло раҳбарони танҳо 9 ноҳия аз тамоми Тоҷикистон ба варақаи ташаббускорони ҷамъоварии имзо ба тарафдории Бобонзарова мӯҳр зада, бақияашон бо ҳар баҳона худдорӣ мекунанд. Абдуқаюми Қаюмзод, сухангӯи номзади ислоҳотхоҳон, гуфт, “аз вилояти Хатлон: шаҳри Кӯлоб, ноҳияҳои Данғара ва Абдураҳмони Ҷомӣ; аз ноҳияи тобеи марказ: Рӯдакӣ, Варзоб, Ваҳдат ва Ҳисор; аз Суғд: Ғончӣ ва аз Душанбе ноҳияи Фирдавсӣ ба варақаҳо мӯҳр заданд ва дар ин ноҳияҳо ташаббускорон ба ҷамъоварии имзо шуруъ карданд. Дар боқии ноҳияҳои Тоҷикистон ҳанӯз ҳам монеагузориҳо зиёданд. Дар сурати ҳал нашудани ин масъала, аз ин рӯз сар карда, ба додгоҳ муроҷиат хоҳем кард.”

Дар ҳамин ҳол, Муҳаммадшариф Набиев, раиси Ҳизби наҳзати исломии Тоҷикистон дар шаҳри Кӯлоб ва узви ситоди интихоботии Ойниҳол Бобоназарова, дар суҳбат ба “Озодагон” гуфт, дар гирифтани муҳри раисони бархе аз навоҳии вилояти Хатлон барои ҷамъоварии имзоҳо бо мушкилот рӯбарӯ шудаанд. Ӯ мегӯяд, “вақтҳои охир раисони ноҳияҳо дастнорас шудаанд, ки ёфтани онҳо барои гирифтани муҳр имконнопазир мебошад. Бахусус раиси ноҳияи Муминободро тӯли се рӯз мешавад, мекобем.”

Ҳушдори ситоди Бобоназарова ба раҳбарони шаҳру навоҳӣИнчунин, ин корманди ситод мегӯяд, раиси ноҳияи Темурмалик ба кормандони ситод гуфтааст, то тамоми аҳзоби сиёсии кишвар анҷуманҳои худро нагузаронанд, имзо нахоҳад кард. Ин дар ҳолест, ки ба гуфтаи Набиев ин амалкард хилофи қонунгузории Тоҷикистон мебошад. Номзадҳо ба мақоми перзидентӣ қабл аз он ки тамоми асноди худро барои сабтином ба Кумисюни марказии интихобот пешниҳод кунанд, бояд 210 ҳазор имзо ба тарафдории худ ҷамъоварӣ намоянд. Ин 210 ҳазор панҷ дарсади шаҳрвандоне дониста мешавад, ки ҳаққи овоздиҳӣ доранд. Кумисюни марказии интихобот мегӯяд, тақрибан чаҳор миллион шаҳрванди Тоҷикистон соҳиби ҳаққи раъяанд, ки 900 ҳазори онҳо берун аз кишвар ба сар мебаранд.

Интихоботи раёсати ҷумҳури Тоҷикистон рӯзи шашуми ноябри соли ҷорӣ, дар рӯзи Қонуни асосии Тоҷикистон, баргузор хоҳад шуд. То кунун чаҳор номзад ба ин мақом муаррифӣ шуда, аҳзобу созмонҳои дигар номзади худро то рӯзи ҳафтуми октябр мушаххас хоҳанд кард.[size]
Мӯҳр
точик
Хамаи раисони нохияхо бояд ба истеъфо раванд, зеро бесаводанд ва конуни интихоботро намедонанд ва хамчунин ба ваъдаи раисашон, ки ваъдаи интихоботи шаффофро додааст, хиёнат карда истодаанд.

Хакгу
Ман чунин гуфтаниям,ки хамаи ин раисонро ба суд кашанд то дигар зиди конун кор накунанд.

Ҳайдарали
Намояндаҳои маҳаллии мафияи БОЛО раисони ноҳияҳо мебошанд.

Душанбе
Аз ба Суд кашидани онҳо чизе тағйир намеёбад.

Айбаст э шармандахо боз шарм надошта мегуянд ки интихоботро шаффоф мегузаронем хаминаст шаффофиятон руйрост мардумро фиреб мекунанде.

Об аз сар лой аст.КМИР аз салохиятхояш суистифода намуда тартиберо барои чамъоварии имзохо мукаррар кардааст, ки хади акал якчанд руз раисони шахру навохй гуруххои ташаббускори номзадро сарсону саргардон карда метавонанд: яке мачлис меорояду касе намедонад, ки он кай поён меёбад; дигарй тамоми руз дар пахтазор мемонад;саввумй ба маркази вилоят меравад; пагоху пасфардо рузхои истирохат, ёфтани раисхо боз хам мушкилтар; хангоме ки дарёб кардй боз сад бахонаи дигар пеш меоранд: "варакахоро хар як имзочамъкунанда худаш бигирад", "вобаста ба тедоди аъзои хизбатон варака гиред", "холо дигар ахзоб анчуман нагузаронидаанд..."Инхо аз мардум ку шарм намедоранд. магар аз чазои Худо хам наметарсанд? Худоё, боре кудрату каххориятро ба ин хавобаландхо нишон бидех, илтичо мекунам...Дигар пурсандае намонд дар ин кишвари асримиёнагии фасодзада.

Ин он интихобти "шафофе" ки ба хамаи мо ЧО ваъда дода буд. Ана демократия мана демократия.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)