Бахшҳо
30 сен 2013 12:53Тоҷикистон / Сиёсат / Видео

ВИДЕО: Ҳукми зиндони омилони ҳамла ба хонаи Муродалӣ Алимардон

Додгоҳи олии Тоҷикистон рӯзи 30-юми сентябри соли ҷорӣ омилони ҳамла ба хонаи Муродалӣ Алимардон, муовини нахуствазир ва собиқ раиси Бонки Миллиро, аз 22 то 24 сол равонаи зиндон кард.

Мирзо Каримов, додраси парванда гуфт, Дилшод Мирзоеву Зайниддин Самадов ба 24 сол ва Умед Насриддинов, ки ҳамшарики ин ҷиноят эътироф шудааст, ба 22 соли зиндон маҳкум шудаанд. Вале додрас афзуд, ҷавон будан ва барои нахустин бор содир кардани ҷинояти онҳоро ба назар гирифта, бар асоси Қонуни афви соли 2011 дусолӣ аз муҳлати ҳамаашон кам карда шудааст. Қаблан айбдоркунандаи давлатӣ ё намояндаи додситонӣ аз додгоҳ хоста буд, ин се нафарро аз 23 то 25 сол равонаи зиндон кунад.



Аммо наздикони маҳкумшудагон аз ин ҳукми додгоҳ норизоӣ карда, гуфтанд, барои тағйири он ба Додгоҳи таҷдиди назар шикоят хоҳанд бурд. Аз ҷумла, хоҳари Дилшод Мирзоев гуфт, бародараш касеро накуштааст ва аз ин рӯ ҳукми додгоҳ одилона намешуморад. Вай афзуд, “додрас гуфт, ки гӯиё аз манзили мо тиру аслиҳа пайдо шудааст. Ин ҳарфҳо нодурустанд. Худи додарам низ дар додгоҳ гуфт, ки дар қатли касе даст надорад.”

Ҳамла ба манзили Муродалӣ Алимардон дар ҳашт соли пеш, дар замони раиси Бонки Миллӣ будани ӯ, шаби 29 ба 30-юми июни соли 2005 дар ҷамоати деҳоти Мирзо Ризо, деҳаи Ноҷии болои ноҳияи Ҳисор, рух додааст. Он вақт мақомот гуфта буданд, афроди мусаллаҳ тақрибан 9 ҳазор доллар, 500 сомонӣ, миқдоре аз ҷавоҳирот ва як автомобили хидматии раиси Бонки Миллиро ба яғмо бурда, посбони хонаро ба қатл расондаанд.

Танҳо пас аз тақрибан ҳашт соли ин ҳодиса мақомот бо иттиҳоми дуздӣ ва қатли посбони хонаи Муродалӣ Алимардон Умед Насриддинов, Зайниддин Самадов ва Дилшод Мирзоевро боздошт кардаву ба ҷавобгарӣ кашиданд. Гуфта мешавад, нафари чаҳорум, ки аз ӯ Қобил Улуғов ном бурда мешавад ва гӯиё маҳз ӯ ба қатли посбони манзили падари Муродалӣ Алимардон даст задааст, айни замон ба мақомоти тафтишотӣ дастрас нест ва дар ҳоли фирор қарор дорад.

Аммо худи Муродалӣ Алимардон, муовини нахуствазири Тоҷикистон, дар як гуфтугӯи вижа бо “Озодагон” гуфта буд, ҳарчанд аз ин мурофиа хабар дорад, аммо боре ҳам дар он иштирок накардааст ва аз додгоҳ ҳам талабе надорад. Вай афзуд, омилони ҳамла ба манзилаш дар ҳашт соли пешро ба дасти қонун додгоҳ супурдааст.


ВИДЕО: Ҳукми зиндони омилони ҳамла ба хонаи Муродалӣ Алимардон

ВИДЕО: Ҳукми зиндони омилони ҳамла ба хонаи Муродалӣ Алимардон
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)