Бахшҳо
18 окт 2013 18:26Тоҷикистон / Иҷтимоӣ / Акс

Дидори Қувватов бо фарзандонаш баъд аз раҳоӣ аз боздоштгоҳи Дубай

Усмоналии панҷсола, писари дувуми Умаралӣ Қувватов, раҳбари созмони сиёсии “Гурӯҳи 24”, ки ахиран аз боздоштгоҳе дар Дубай раҳо гардид, бо падараш дидор кардааст. Усмоналӣ, ки бо кумаки модараш аз Интернет истифода мекунад, дар сӯҳбат бо “Озодагон” гуфт, тӯли ин муддат ҳамеша орзуи озодии падарашро дошт ва ҳатто барои раҳоии ӯ аз зиндон пари паррандаҳоро ҷамъоварӣ менамуд.

“Ман падарамро дар озодӣ дидаму хушҳол шудам. Рости гап, ӯро сахт пазмон шуда будам”,-гуфт Усмоналии панҷсола дар сӯҳбат бо мо. Қумрӣ Ҳафизова, ҳамсари Қувватов, низ дидори бархе аз аъзои хонавода бо роҳбари “Гурӯҳи 24”-ро тасдиқ кард, вале аз ифшои сана ва макони дидор худдорӣ намуд. Вай гуфт, ҳоло Қувватов дар талоши дарёфти паноҳандагӣ дар яке аз кишварҳои дунёст, ки наметавонад ҷои будубошашро ошкор намояд.

“Дар сурати дарёфти паноҳандагӣ ҳатман ҳамаро огоҳ карда, баёнияҳо пахш хоҳад кард”,-афзуд ӯ. Бо ин ҳол, аксҳои зиёде аз дидори Қувватов бо фарзандонаш дастраси расонаҳо шуда, чандеи онҳо дар шабакаи иҷтимоии Фейсбук низ ҷо гирифтаанд. Умаралӣ Қувватов, раҳбари созмони сиёсии “Гурӯҳи 24” моҳи декабри соли гузашта дар фурудгоҳи Дубай, ҳангоми сафараш ба Аврупо, боздошт ва то охири моҳи сентябр дар зиндон нигаҳдорӣ мешуд. Мақомоти Дубай гуфтанд, боздошти оқои Қувватов бо дархости ҷониби Тоҷикистон сурат гирифтааст.

Умаралӣ Қувватов тобистони соли 2012 дар Маскав “Гурӯҳи 24”-ро таъсис дода ва аз Эмомалӣ Раҳмон даъват карда буд, то дар интихоботи президентӣ номзадиашро нагузорад. Қувватов шарики собиқи тиҷории яке аз домодҳои раисиҷумҳури Тоҷикистон арзёбӣ мешавад, ки то фирораш ба Маскав дар як соли пеш раҳбарии ширкатҳои “Тоҷирон” ва “Фароз”- аз ширкатҳои асосӣ дар бозори фурӯши сӯзишвории Тоҷикистонро - бар ӯҳда дошт.

Баъд аз таъсиси “Гурӯҳи 24” Қувватовро шарикони собиқаш ба дуздии 6 миллион сомонӣ аз ширкати “Фароз” айбдор карданд. Моҳи декабри соли 2012 ӯ бо дархости мақомоти Тоҷикистон дар шаҳри Дубайи Имороти Муттаҳидаи Араб боздошт шуд. Додгоҳи Дубай дар моҳи апрели соли ҷорӣ ҳукми бозпас фиристодани ӯ ба Душанберо содир кард. Вале Умаралӣ Қувватов аз ин ҳукм ба додгоҳи таҷдиди назар шикоят бурда, аз боздошт раҳо гардид. Вале мақомоти Додситонии кулли Тоҷикистон мегӯянд, қазияи Умаралӣ Қувватов ниҳоӣ нашуда, додгоҳи Дубай низ дар ин бора ба онҳо чизе нагуфтааст.
Мӯҳр
Дустат
Барои фарзанд дар орзуи рахоиат пари парандахоро накандан, карор шиштан лозим Кувватик. Дар ту на як намудай, на саводай, на обруай. Номата бин гурухи 24 яъне - авбош. Баъд кудакора истифода карда мардума зик кардани мешавен. Занхоро гирён карда назди хар кас мефиристен ки халос кунанд шумора.
Камбудиат хамин ки тайёрхур ва муфт ёфтан мехохи, ки ХУДО аз ин хел зарпечакшаклони тараканмичоз безорай. Кор кардан даркор брат.
Вактушда ин гапора гуфта будем, нафахмиди. Аку мегарди, Бенладенвори дуругу рост, хубата релама карда.

Кодир
КУвватали барои фарзандро ба сери дидан бояд тинчу мисли одами вокеи кору зиндаги кунад. Ки аст КУвватали? Барои ин миллат чи кардааст? Магар авбош бояд дар мадди назари мардум бошаду дар бораи нигаронии у аз писараш дар сайт макола нависанд? Барои ба ин мартаба ноил шудан бояд у сазовор бошад, вале афсус ки чунин ашхос ба гайр аз дизкамфорт дигар чизе ба инсонхо намедиханд.

кулоби
Дустат,
Чунон гап мезани гуе тамоми балоро ба сари халки точик Умарали оварда бошад е сари давлатда Умарали боша ки мардум хама аз Точикистон баромада рафта истодаанд. Ту хам аз Умарали ягон пул карздори чи бало ки ин кадар бадаш мебини.Лекин мефорат намефорат такдири одам дар дасти одам нест дар дасти хаму ЗОТИ ПОК АЛЛОХ аст чизе хохад хамонро мекунад. Ба суханхои худату занакхои лаби ов У ЗОТ гуш намекуна хубаш рав тахорат куну гуноххои худатро назди АЛЛОХ тоза кун.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)