28 окт 2013 10:21Оcиёи Марказӣ / Тоҷикистон

Муфтии Сурия: Алайҳи ҳукумати Асад 190 тоҷик меҷанганд

Аҳмад Бадриддин Ҳассун, муфтии аъзами Сурия теъдоди шаҳрвандони Тоҷикистонро, ки дар ин кишвар алайҳи ҳукумат меҷанганд, 190 нафар арзёбӣ намудааст.

Муфтии аъзами Сурия гуфтааст, дар маҷмуъ алайҳи нерӯҳои ҳукуматӣ дар Сурия 100 ҳазор ҷангҷӯи кироя аз 83 кишвар меҷанганд.

Аҳмад Бадриддин Ҳассун зимни сафараш дар Маскав гуфтааст, алайҳи ҳукумат дар Сурия то 8 ҳазор шаҳрванди Арабистони Саудӣ, 1700 шаҳрванд аз Чеченистон, 350 шаҳрванд аз Украина, 360 шаҳрванд аз Туркманистон, 250 нафар аз Қазоқистон, 100 шаҳрванд аз Озарбойҷон, 80 нафар аз Гурҷистон, 3 ҳазор аз Ироқ ва 290 шаҳрванди Амрико меҷанганд.

Муфтии аъзами Сурия дар мавриди ҷангиёни кироя аз Аврупо гуфтааст, 90 нафар аз Испания, 150 аз Босния, 200 аз Австрия, 60 нафар аз Дания, 86 нафар аз Малта, 40 шаҳрванд аз Финляндия, 110 нафар аз Олмон, 120 нафар аз Фаронса ва 80 нафар шаҳрванди Англия мебошанд. Инчунин ба иттилои манбаъ айни ҳол 200 шаҳрванди Чин низ барои ҷанг алайҳи ҳукумати Сурия дар Туркия тамрин доранд.

Ин дар ҳолест, ки ахиран Сергей Смирнов, муовини аввали раиси ФСБ-и Русия, гуфт, мушкили кирояи ҷангҷӯён дар тамоми кишварҳои Созмони ҳамкории Шанхай, аз ҷумла Тоҷикистон ҷой дорад.

Кумитаи дини Тоҷикистон низ дар ҷамъбасти фаъолияти нимсолаи соли равон гуфт, дар давоми солҳои ахир дар ҷангҳои Афғонистону Покистон ҳудуди 11 шаҳрванди Тоҷикистон ва сеи дигар дар Сурия ба ҳалокат расидаанд. Ба гуфтаи Мавлон Мухторов, муовини раиси ин ниҳод, теъдоди шаҳрвандони Тоҷикистон, ки дар ҷангҳои бегонагон ба ҳалокат расидаанд, шояд аз ин ҳам зиёд бошад: “Ин 14 нафар танҳо онҳое мебошанд, ки ному насаб ва ҳуввияти миллиашон муайян карда шудааст.”

Мӯҳр

Хабарҳои монанд:

низоми

Муфтии Сурия: ´´Алайҳи ҳукумати Асад 190 тоҷик меҷанганд´´. Муфти ин рақамҳои дақиқро аз куҷо дастрас карда бошад ? Агар ин рақамҳои дақиқ бошанд чаро аз даҳҳо ҳазор ҷангҷуёни вобаста ба Ҳизбуллоҳи Лубнони,Абулфазли Аббоси Ироқи(шомилaнд, ҷангҷуёни Ҳусиҳои Ямани ва ҳазораҳои Афғони) ва мушовирину партизанҳои Ирони чизе нагуфтааст? Ё онҳо барои саёҳату зиёрат ба Сурия рафтаанд ?

Ҷавоб диҳед Иқтибос Шикоят

Rustam Rustamov

низоми,
Агар дар хакикат дар чанги Сурия точик бошад новобаста аз ададашон хох як кас хох хазор кас ва бар зидди хукумати Сурия чанганд, лаънати Худованд бар онхо бод, ки бар зидди мусулмонон мечанганд ва онхо мумкин хамон донишчуёнанд.
Ман аз хукумати Точикистон хохиш мекунам, ки агар дар чанги шахрвандии Сурия миллати точик бошад хамаашонро аз шахрвандии Точикистон махрум кунад.....

Ҷавоб диҳед Иқтибос Шикоят

Эзоҳ илова кунед