Бахшҳо

Ҷонибдории коммунистҳои Маскав аз номзадии Талбаков

Бахши шаҳрии Ҳизби коммунисти Русия дар Маскав аз муҳоҷирони тоҷик даъват кардааст, ки дар интихоботи президентии 6 ноябр аз Исмоил Талбаков ҷонибдорӣ кунанд. Исмоил Талбаков, ки симати муовини раҳбари Ҳизби коммунисти Тоҷикистонро бар дӯш дорад, аз тарафи ин ҳизб ба мақоми президентӣ дар интихоботи президентӣ пешбарӣ шудааст.

Ин ҷиноҳи Ҳизби коммунисти Русия дар изҳороти худ, ки рӯзи 1 ноябр нашр гардид, Исмоил Талбаковро раисиҷумҳури арзандаи қишри меҳнатдӯсти тоҷик хонда, хостааст, то дар рӯзи интихоботи президентӣ ба ӯ овоз диҳанд.

Дар ин изҳорот, аз ҷумла омадааст: “Бо таваҷҷуҳ ба ин маъракаи муборизаи мусоламатомез-интихоботи президентӣ аз ҳамаи Шумо хоҳиш мешавад, ба хотири мубориза барои ҳукумати Шӯравӣ, рушди давлати Иттиҳоди Шӯравии пешин ва бунёди дубораи он аз ин фурсат истифода карда, дар ҷараёни интихобот фаъолона иштирок ва ба номзади арзандаи хеш Исмоил Талбаков овоз диҳед.”

Инчунин дар идома аз ҳаёти мардуми тоҷик дар замони ҷанги дохилии Тоҷикистон ёдовар шуда, гуфта мешавад, ки мардуми тоҷик аз ҳаққи доштани як зиндагии осоиштаи башарӣ “маҳрум” гардида, ба хотири ёфтани қути лоямути хешу пайвандонаш водор мешавад, то бо қасди кишварҳои бегона аз ватан берун шавад: “Бо вуҷуди ин дар Русия, ки ҳар як фарди 7-уми тоҷик ҳоло дар инҷо ба сар мебарад, сокинони муқимӣ бо онҳо ҳамчун ғулом муносибат мекунанд. Аксари Шумо, ки дорои маълумоти олӣ мебошед, дар инҷо бо рондани мошинҳои боркашу корҳои сохтмонӣ машғул ҳастед.”

Бахши шаҳрии Ҳизби коммунисти Русия мегӯяд, ин раванд на танҳо ба сармоядорони рус хуш меояд, балки тибқи мароми ҳукумати феълии Тоҷикистон низ ҳаст: “Шумо бо ин меҳнати “ғуломона”-и худ ҳудуди 35-40 дарсади Маҷмуи маҳсулоти дохилии Тоҷикистонро ташкил медиҳед, ки аз он танҳо мансабдорони феълии тоҷик баҳра мебаранд.”

Дар охир Ҳизби коммунисти Русия даврони Шӯравӣ ва ҳамватан будан бо тоҷиконро дар гузашта ёдовар ва гушзад карда, афзудааст, ки аксарияти Шумо дастпарвардаи даврони Шӯравӣ ҳастед ва хуб медонед, ки читавр мо якҷоя ватани хеш-Иттиҳоди Шӯравиро бунёд ва ҳифз карда будем. Ватане, ки рушду пешрафти ҳамаҷонибаи ҳар як шаҳрванд вазифаи аввалиндараҷа ва муҳимми мақомоти давлатӣ ва ҳукумат буд: ” Аз ин рӯ мебояд, ки мавқеи шаҳрвадии худро равшан карда, дар ҷараёни интихобот фаъолона иштирок ва ба номзади арзандаи Ҳизби коммунисти Тоҷикистон овоз диҳем.”

Интихоботи президентии Тоҷикистон рӯзи шашуми ноябри соли ҷорӣ баргузор хоҳад шуд. Ҳоло номи 6 довталаби курсии раёсати ҷумҳурӣ маълум шудааст, ки Эмомалӣ Раҳмон, раисиҷумҳури кунунӣ, яке аз онҳост.

Исмоил Талбаков, ки айни ҳол вакили Маҷлиси Намояндагон ва муовини раиси Ҳизби коммунист мебошаду аз тарафи ин ҳизб номзад ба мақоми президентӣ дар интихобот пешбарӣ шудааст, барои бори дувум ба дарёфти курсии президентӣ вориди рақобат мешавад. Вай соли 2006 бо Эмомалӣ Раҳмон, Абдуҳалим Ғаффоров, Олим Бобев ва Амир Қароқулов вориди корзори интихоботи президентӣ шуда, аммо натавониста буд раъйи кофӣ ба даст биёварад.
Мӯҳр
Номзади арзанда аст, вале оё ӯ кафолат медиҳад, ки Тоҷикистонро дубора луқмаи Русия намекунад. Беҳуда нест, ки коммунистони он кишвар аз номзадии И.Талбаков ҷонибдорӣ кардаанд. Аслан коммунистон зисту зиндагӣ ва рушди кишварро танҳо дар ҳайъати Руссия мебинанд. Яъне, ҳеч гуна истиқлолият ва давлати миллӣ! Ҳамон русҳо ва Руссия буд, ки ду маротиба хати моро иваз карданд. Костагии фарҳанг ва захми забони модарӣ имрӯз аз замони коммунистӣ манша мегирад. Ман ба И.Талбаков овоз намедиҳам ва ба дигарон ҳам маслиҳат намедиҳам.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)