02 ноя 2013 10:04Тоҷикистон / Иҷтимоӣ

Лимити нерӯи барқ дар Тоҷикистон 15 соат муқаррар шуд

Ширкати “Барқи тоҷик” барои сарфаи обу энержӣ боз ба реҷаи маҳдудияти барқ ё худ лимит дар Тоҷикистон тағйирот ворид карда, муддати онро аз 7 соат ба 15 табдил дод.

Тавре Нозирҷон Ёдгорӣ, сухангӯи “Барқи тоҷик” дар суҳбат ба “Озодагон” гуфт, мардуми навоҳии кишвар минбаъд аз соати 9-00 то 17-00 ва аз соати 22:00-и шаб то 5:00-и субҳ барқ нахоҳанд гирифт. Ёдгорӣ таъкид намуд, ки ин иқдом ба хотири захираи об дар обанборҳои кишвар ва таъмини беҳтари мардум бо барқ дар фасли зимистон аст, ки тибқи пешгӯии обуҳавошиносон имсол қаҳратун хоҳад буд.

Ёдгорӣ таъкид намуд, ки ин маҳдудият ба шаҳрҳои Душанбе, Хуҷанд, Кӯлоб, Қӯрғонтеппа, Турсунзода ва Чкалов дахл надорад. Ин дар ҳолест, ки ин ширкат аз оғози маҳдудсозии неруи барқ дар қаламрави кишвар шуруъ аз рӯзи 26 октябр хабар дода гуфта буд, ки мардуми навоҳии кишвар минбаъд аз соати 23:00-и шаб то 5:00-и субҳ барқ нахоҳанд гирифт.

Сокинони манотиқи Тоҷикистон дар шаш моҳи фасли тирамоҳу зимистон аз камбуди нерӯи барқ дар манозилашон ранҷ мекашанд. Мақомот мегӯянд, танҳо дар сурати бунёди нерӯгоҳи Роғун лимити нерӯи барқ куллан аз миён бардохта хоҳад шуд. Нерӯгоҳе, ки сохтмонаш бо мухолифати шадиди ҳамсояҳои Тоҷикистон, бахусус Узбакистон, рӯбарӯ шуда, ҳанӯз ташхиси фанниву иқтисодӣ ва зистмуҳитии он аз тарафи коршиносони Бонки Ҷаҳонӣ ҳам ба поён нарасидааст.

Мӯҳр

Хабарҳои монанд:

понгози

Э ээ аккалан то выбори "Чуноби Олира "хам зур нарасидо? Афгонистон лимит не? Худо окибати коратона нек кунад хукуматдорон!!!

Ҷавоб диҳед Иқтибос Шикоят

Carmo

Дар давлати фасодзада ойнихол бобоназарова тавонист речаи баркро то 26 октябр бекор кунад ахсан

Ҷавоб диҳед Иқтибос Шикоят

Кароматулло

Чаро Э.рахмонов аз ухдаи як мушкили баромада наметавонад боз раиси чумхур шуданро дорад?! Боз 7соли дигар мардум бебарк мемонанд,сафи мухочирон зиёд мешавад,аммо рахмонов бошад гуё хечгап нашудааст,

Ҷавоб диҳед Иқтибос Шикоят

як асаби

ин як мазок кардани мардум мебошад.ин хукумат на аз худо шарм медорад на аз мардум.хамин об аз саратон монад .10сол шуд факат хамин бахона об нест об кам шуд, шумо номакул мекунед гэс нею аэс,тэс соз кунед

Ҷавоб диҳед Иқтибос Шикоят

Салим

Ман ба ин бовар намекунам, барои онки дар зимистон ба мо хар сол дар ш Истаравшан 6 соат хамаги кувваи барк медиханд халос.

Ҷавоб диҳед Иқтибос Шикоят

Юсуф

Ман дар маркази шаҳри Душанбе зиндагӣ дорам. Шиддати барқ се моҳ боз аз 160-170 боло намеравад. Дар ин рӯзҳо боз бадтар шудааст. Модоме дар навоҳӣ рӯзона ва шабона барқ қатъ мегардад ва он барқ дар Душанбе зиёд намешавад, пас, ба куҷо ғайб мезанад? Ин барои мо солҳо боз муаммост. Ба фикрам, мо, мардуми азияткашидаи Тоҷикистон, ҳеч вақт барқи дурустро нахоҳем дид.

Инҷо як муаммои дигар низ ҳаст. Як қисми мардум дар истифодаи барқ ваҳшиёна (ХИЩНИК шудаанд!) амал мекунанд. Ҳоло, ки фаршҳои гарм пайдо шудаанд, сокинони пулдори пойтахт то ба "дохили туалетҳояшон" фарши гарм гузоштаанд, ки барқи ҳангуфт сарф мешавад. Илова бар он баъзеҳо симхои пинҳонӣ (дуздӣ) кашида, ба он фаршҳо пайваст мекунанд. Дар натиҷа ҳам барқи барзиёд масраф мешавад ва ҳам ба хазина маблағ намеравад. Мардум дарк намекунанд, ки дуздидани моликияти ҷамъият баробар ба дуздидани моликияти худу бародару хешу табор аст. Зеро ҷамъиятро худи одамҳо ташкил мекунанд. Ҳоло, ки аз баракати истиқлолият қариб дар ҳар як хонавода 1-2 нафар ҳоҷӣ ҳаст, бигзор онҳо бигӯянд, ки дуздӣ ҳалол аст ё ҳаром? Ва, оё ҳаҷи дузд қабул аст ё на? Ислоҳ шудан ҳеҷ вақт дер нест, чӣ корманди ҳукумат бошаду чӣ ҳоҷӣ!!!!!!!!!!!!!

Ҷавоб диҳед Иқтибос Шикоят

бебарк Аз торикистон

"аз соати 9-00 то 17-00 ва аз соати 22:00-и шаб то 5:00-и субҳ"- оё ин 9 соат намешад магар?????? барои чи инчо 15 соат гуфтаги ё хато навистаги?

Ҷавоб диҳед Иқтибос Шикоят

Абдуллох

Шумо коргарони барк мардумро тарбуз хаел накунед бо ин хама фиребу найранг ин муллат медонад ин барк бо кучо фурухта мешавад.

Ҷавоб диҳед Иқтибос Шикоят

Эзоҳ илова кунед