Бахшҳо
04 ноя 2013 08:07Тоҷикистон / Сиёсат

ВКД мегӯяд, Умедҷон Тоҷиев мехост, аз боздошт фирор кунад

Вазорати умури дохилии Тоҷикистон дар робита ба қазияи Умедҷон Тоҷиев, узви Ҳизби Наҳзати Исломии Тоҷикистон, ки худро аз ошёнаи сеюми бинои Идораи пулиси Исфара ба зер афкандааст, вокуниш нишон дод. Ин ниҳод бо нашри хабаре дар торнамои расмияш гуфт, ҳоло аз тарафи Рамазон Раҳимов, вазири умури дохилӣ, дар Идораи пулиси Исфара санҷиши хидматӣ таъин шудааст.

Умедҷон Тоҷиеви 34-сола, сокини ҷамоати Чоркӯҳи шаҳри Исфара, рӯзи 30 октябри соли ҷорӣ аз сӯи мақомот боздошт ва ба Шӯъбаи умури дохилӣ оварда мешавад. Вазорат мегӯяд, оқои Тоҷиев барои итоат накардан ба амри пулис дастгир ва бо қарори додгоҳ барои даҳ рӯз ба ҳабси маъмурӣ маҳкум шудааст.

Манбаъ меафзояд, “рӯзи 2 ноябр нисбат ба Умедҷон Тоҷиев дар асоси нишондоди пеш дастгир ва ҳабсшудагон Иброҳимов З., ва Шодиев Ғ., инчунин иқрори худи ӯ, аз тарафи Додситонии шаҳри Исфара парвандаи ҷиноӣ бо моддаи 187, қисми 2-и Кодекси ҷиноӣ, яъне ташкили иттиҳоди ҷиноӣ оғоз карда шуд. Баъд аз анҷоми пурсиш Тоҷиев бо мақсади фирор намудан аз ошёнаи сеюми бинои Шӯъбаи 1-и ВКД дар шаҳри Исфара ба поён меҷаҳад, ки дар натиҷа пойи чапи ӯ ҷароҳат бардошта, барои ёрии таъҷилии тиббӣ расонидан, аз тарафи кормандони милиса ба беморхона оварда карда мешавад.”

Дар ҳамин ҳол, Файзиннисо Воҳидова, вакили мудофеи Умедҷон Тоҷиев, мегӯяд, ҳоло нафари таҳти ҳимояташ дар шӯъбаи эҳёгарист. Ба қавли ӯ, “то ҳол аз ҷониби масъулон бобати ҳодисаи рухдода пурсида нашудааст. Аз қавли духтурон, ӯ ба худ омадааст, вале боз доруи мадҳушкунанда додаанд, то асабаш ором гирад. Баъд аз пурсиш ваъда карданд, ки ба модараш нишон медиҳанд. Муҳим он аст, ки Умедҷон зинда аст ва дар оянда худаш ҳодисаи рухдодаро нақл хоҳад кард.”

Хонум Воҳидова афзуд, нафари таҳти ҳимояти ӯро аз боздошт раҳо нахоҳанд кард, чун нисбат ба ӯ парвандаи ҷиноӣ оғоз ёфтааст. “Хеле шубҳаовар аст, ки рӯзҳои охир ҳамаи аъзои ҲНИТ "авбош" мешаванд ва ин алакай қарори севуми додгоҳи Исфара нисбат ба узви ҲНИТ аст”. 8 октябр, дар рӯзи Иди Қурбон, додгоҳи шаҳри Исфара Воҳидхон Қосиддинов, раиси дастгоҳи Ҳизби Наҳзати Исломиро ҳам ба ҷурми “майдаавбошӣ” ба 15 рӯзи зиндон маҳкум кард, вале бо дахолати додситонии вилояти Суғд ин қарор бекор шуд.
Мӯҳр
Дилёб
Хамин ВКД-и мо мисли кудак андеша мекунад. Хато худи хамон Рамазон Рахимов хам. О бародарон о кадом инсони сохибакл бо максади фирор кардан худро аз 3 ошёна ба замин меафканад? Ба хотир оред хамон дохил намудани шахси дуюм ё гунахгори асоси аз чониби ВАЗИР ба парвандаи писари Хукумов низ ба хамин монанд буд. Хайр акнун маълум аст, ки инхо барои ин корашон муаззаф хастанд, вале тааччубовар онаст, ки чигуна дар хамин дунёи пураз фиребу найранг, ки дили онро феълан "Точикистон" номтурдан ба маврид аст, ягон бахонаи пайдо нашуд, ки ВКД инкадар содалавхона вокуниш нишон медихад?

Милиса
Милисаи мо ба мисли нафароне ки дар артиш хидмат мекунанд гап мезанад, вакте як нафарро дар артиш латубкуб мекунанд мегуянд худаш афтида ё сарашро ба девор задааст. Ин кушодани чиноят нест, балки рупуш кардани чиноят ва тухмат ба шахрвандон аст. мутаассифона чинояткори дар байни худи имлисахо то рафт аз хад гузашта истода сафи чинояткорон дар байни макомот зиёд шуда истодааст. Худо мардуми бечораи точикро аз дасти ин милисахо начот дихад.

Точикбача
Ин Умедчонро аз тиреза партофтагиян ба фикри ман, Махмудов Шамсулло сардори шуъба ин корро метавонад! Сафарали Сангов аз дуюум ошиёнаи ШКД СИНО-1 ш.Душанбе парида буд ... ба гуфти макомон. хамон замон хам сардори шуъба Махмудов буд дар СИНО-1, холо хам сардори ШКД н.Исфара Мухмудов мебошад ... боки худ казоват кунед ...

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)