Дастури Раҳмон барои барқарор кардани хонаҳои тахрибшуда
Эмомалӣ Раҳмон, раисиҷумҳури Тоҷикистон, ба сарвазир, Оқил Оқилов, дастур додааст, ки ба зарардидагони заминҷунбӣ дар Ваҳдат кӯмаки аввалия расонда шаванд ва дар пасманзари омад-омади зимистон корҳои барқарорсозӣ ҳар чӣ зудтар оғоз гарданд.
Оқил Оқилов, ин супориши президентро, имрӯз, 11-уми ноябр, зимни ҷаласаи Комиссияи давлатии ҳукумати Тоҷикистон оид ба ҳолатҳои фавқулодда зикр карда, таъкид намудааст, ки дар Ваҳдат, ки аз рўи ҳисобҳои пешакӣ 104 хоҷагӣ пурра ва 259 хоҷагӣ қисман зарар дидаанд, супоришҳои президент ҳар чӣ зудтар амалӣ гарданд.
Оқилов супориш додааст, ки баробари ироаи кӯмаки аввалия, корҳои барқарорсозии манзилҳои истиқоматӣ, инчунин барои мушаххас намудани шумораи аниқи зарардидагон дар маҳали ҳодиса ситодҳои доимӣ ва гуруҳҳои корӣ таъсис дода шаванд.
Заминларзаи харобиовар дар Ваҳдат субҳи 10-уми ноябр, рух дод, ки қуввааш дар марказ ба 5 бал баробар будааст. Дар маҷмуъ Кумитаи ҳолатҳои фавқулодаи Тоҷикистон мегӯяд, давоми ду рӯзи охир дар Тоҷикистон, се ҳолати заминҷунбӣ ба қайд гирифта шудаанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |