Бахшҳо

Иштироки дигарбораи писар ва бародари Зайд Саидов дар додгоҳ

Рӯзи панҷшанбеи 14 ноябр мурофиаи навбатии Зайд Саидов, соҳибкор ва раҳбари боздоштшудаи Тоҷикистони нав, дар боздоштгоҳи муваққати Кумитаи амнияти миллӣ баргузор шуд. Манобеи “Озодагон” гуфтанд, дар ин мурофиа Хайруллоҳ ва Файзиддин, писар ва бародари оқои Саидов, ҳам иштирок кардаанд.

Шӯҳрат Қудратов, яке аз вакилони дифои Зайд Саидов, мегӯяд, дар мурофиаи рӯзи 14 ноябр шоҳидон бештар дар робита ба парвандаи қаллобӣ ва тамаъҷуӣ (моддаҳои 247 ва 250-и Кодекси ҷиноӣ)-и нафари таҳти ҳимояташон мавриди бозпурсӣ қарор гирифтаанд. Ба қавли Қудратов, дар ин парванда шикояти як шаҳрванди Вйетнам низ шомил аст.

Оҷонсии мубориза бо фасоди молии Тоҷикистон рӯзи 24 май, ҳафтае баъд аз боздошти Зайд Саидов, эълон кард, ки як шаҳрванди Вйетнам - Хоанг Ван Хиеп алайҳи соҳибкори боздоштшуда, аризаи шикоятӣ дода, аз “ҳаракатҳои ғайриқонунии Зайд Саидов” ёдоварӣ намудааст. Шӯҳрат Қудратов гуфт, қарор аст, дар иртибот ба ин парванда ҷониби ҳимоя низ шоҳидони худро ба додгоҳ даъват кунад: “Мо ҳам чанд шоҳид дорем, ки онҳо дар оянда барои саволу ҷавоб даъват хоҳанд шуд. Зеро ин ашхос барои исботи бегуноҳии Зайд Саидов далели кофӣ рӯйи даст доранд.”

Мурофиаи додгоҳии Зайд Саидов 12 сентябри соли ҷорӣ дар боздоштгоҳи Кумитаи амнияти миллӣ оғоз ёфта, паси дарҳои баста ҷараён дорад. Мақомот оқои Саидовро, ки 19 май, ҳангоми бозгашт аз Фаронса, боздошт шуда буд, дар қаллобӣ, сӯистифода аз мақом, ришват, сирқати амволи давлатӣ, бисёрзанӣ ва таҷовуз ба номуси ду ноболиғ муттаҳам медонанд. Рӯзи 23 октябр Зайд Саидов бо изҳори нобоварӣ нисбат ба мустақилӣ ва беғаразии додраси парвандааш - Шавкат Абдулхайров эълон дошт, ки дигар дар мурофиаи додгоҳӣ ширкат нахоҳад кард. Сабаби ин эътироз рад шудани пешниҳоди ӯ ва се вакили дифояш барои гузаронидани ташхиси генетикӣ арзёбӣ гардид. Баъдан, Шавкат Абдулхайров, раисикунандаи парвандаи Зайд Саидов, эълон кард, ки “шарт”ҳои ӯро мепазирад ва мурофиа аз сар гирифта шуд.

Вакилони мудофеи Зайд Саидов мегӯянд, онҳо қасд доранд, дархости навбатии худро барои гузаронидани ташхиси генетикӣ ба додгоҳ пешниҳод кунанд. Шӯҳрат Қудратов, яке аз се вакили дифои Зайд Саидов, гуфт, ки сад дар сад бовар дорад, дархости навбатиашон аз тарафи Шавкат Абдулхайров, раисикунандаи парванда ва додраси Додгоҳи олӣ, рад нахоҳад шуд.
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)