Дастдарозии Шаҳбози 16-сола ба номуси ҳамхонаҳои кӯчакаш
Вазорати умури дохилии Тоҷикистон бо иттиҳоми дастдарозӣ ба номуси писарони ноболиғ як ҷавони 16-соларо дастгир кардааст.
Ба иттилои дафтари матбуотии ВКД-и Тоҷикистон, Шаҳбоз Резвонови 16-сола, сокини ноҳияи Ҳисор ба номуси ду писарбачаи ноболиғи ҳамхонаи худ даст дароз намудааст. Ин ниҳод мегӯяд, ин ноболиғон ҳамроҳ бо Резвонов дар ҳуҷраи иҷоравии Ҷамолиддини Муслиҳиддини 21-сола, сокини минтақаи Рашт дар Душанбе ба сар бурда, аз Муслиҳиддин ғайриқонунӣ таълимоти динӣ мегирифтаанд.
Шаҳбоз Резвонов, ки зимни як барнома тариқи шабакаи аввали Тоҷикистон дар бораи иллати даст заданаш ба ин амали нанговар суҳбат мекард, гуфт, аз сабабе, ки волидайнаш ба дидорбинии ӯ намеомаданд, аз нороҳатӣ ин ноболиғонро латту кӯб ва ба номусашон дастдарозӣ мекардааст.
Ҷалолиддини Муслиҳиддин, соҳибхона ва нафаре, ки ба ин наврасони тоҷик таълимоти динӣ медод, мегӯяд, ҳар чанд медонист, ки омӯзиши таълимоти динӣ ба ин ноболиғон ғайриқонунист, вале ба хотири хоҳиши зиёди пайвандони онҳо, ки дӯстонаш мебошанд, ба ин роҳ рафтааст. Ҷалолиддини Муслиҳиддин, ки сокини ноҳияи Тоҷикобод мебошаду оиладор аст, таҳсилкардаи яке аз таълимгоҳҳои динии Эрон буда, муваққатан дар шаҳри Душанбе ба сар мебарад.
Вазорати умури дохилии кишвар мегӯяд, алайҳи Шаҳбоз Резвонов ва Ҷалолиддин Муслиҳиддин парвандаи ҷиноӣ боз ва дувумӣ ба ҳабси пешакӣ гирифта шудааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |