20 ноя 2013 10:57Тоҷикистон / Иқтисодӣ

Сабукӣ ба “Тоҷ-Чайна” ва эроди вакили Ҳизби наҳзати исломӣ

Маҷлиси Намояндагон, маҷлиси поёнии парлумон, рӯзи 20 ноябр бо ворид кардани тағйиру иловаҳо ба қонун дар бораи буҷаи соли 2013 ширкати “Тоҷ-Чайна”-ро аз пардохти боҷу андоз зимни воридоти таҷҳизот озод намуд. Ин ширкат ки дар шаҳри Ваҳдат корхонаи тавлиди семент месозад.

Гулчеҳра Бозорова, муовини вазири рушди иқтисод, ҳангоми муаррифии лоиҳа дар парлумон гуфт, “Тоҷ-Чайна” дар умум ба маблағи 9,8 миллион доллар таҷҳизот ворид хоҳад кард ва маблағи боҷу андоз зимни воридоти он 2,5 миллион долларро ташкил медиҳад. Бозорова афзуд, “Тоҷ-Чайна” ширкати муштараки Тоҷикистону Чин буда, давоми 10 моҳ корхонаи иқтидораш 600 ҳазор тонна семент дар як солро бунёд мекунад.

Дар робита ба ироаи сабукиҳо ба ширкату корхонаҳо, Муҳиддин Кабирӣ, вакили парлумон ва раиси Ҳизби наҳзати исломӣ, суханронӣ карда, гуфт, ҷонибдори ироаи сабукӣ ба “Тоҷ-Чайна” аст, чун он корхонаи истеҳсолӣ мебошад: “Аммо баъзан парлумон ба ширкатҳое имтиёз медиҳад, ки самти фаъолияташон истеҳсолӣ нест.” Ба сифати мисол, Кабирӣ бунёди меҳмонхонаи 5-ситорадорро мисол овард, ки 5 сол боз барои бунёди он парлумон имтиёз медиҳад.

Кабирӣ аз он эрод гирифт, ки роҳбарони ширкатҳои имтиёзгирифта, аз натиҷаи корашон ба вакилони мардум гузориш намедиҳанд ва зарур хонд, ки масъулини ин ширкатҳо барои ҳисобот ба парлумон даъват шаванд: “Нашавад, ки аз имтиёзҳо танҳо як гуруҳи муайян истифода кунанду шаҳрвандони дигар, зимни бунёди корхонаҳо андозу боҷи гумрукии зиёд супоранд.” Дар посух Шукурҷон Зуҳуров, раиси палатаи поёнии парлумони Тоҷикистон гуфт, дар ҷаласаи қаблӣ дархост кардаанд, то ширкату корхонаҳое, ки аз пардохти боҷу андоз озод мешаванд, аз натиҷаи корашон ба парлумон гузориш диҳанд.

Мӯҳр

Хабарҳои монанд:

tojik

ami kabiriro raisi cementzavodi vahdat moned.zoirufro dar regar.

Ҷавоб диҳед Иқтибос Шикоят

Точик

дуруст кайд кардааст чаноби Кабири ... магар дигар точирон одам нестанд, ки ба баъзеашон имтиёз будасту ба баъзеи дигарашон не!!! ва дувум чизе ки ба чашм мерасад аз парлумон ба гайр аз суханронии Кабири аз дигар вакилон сухане намебарояд магар дигаронаш гунганд ё фикри шахси надоранд ё аз тарса гап намезананд ва ё чойхоро банд карда кор намекунанд?? он чи ки аз боло гуфта шавад конеъ мешаванд ва овоз медиханд ба чашм гуфта кабул мекунанд !

Ҷавоб диҳед Иқтибос Шикоят

Janobi iks

e 'tojik' in qadar ba hami Zoirovu Kabiri chaspidi kana borin. Ba 1 tori mui in 2 MARDI HAQIQATPARAST arzish nadori. Rosti gap tamoman makul nashidesti ba hami gapot. Faqat hami hukumata tarif mekuni. Az hamu fabrikai javob hasti chi?

Ҷавоб диҳед Иқтибос Шикоят

Рaxмдил

хамаи ин вакилон лаганд бардор вакти интихобот шавад мо ин мекуним вай мекуним мегуянд вакте ба курси менишинан ... гами халк вой бар холи халки точик

Ҷавоб диҳед Иқтибос Шикоят

Окил

2,5 млн аз 9,8 млн? Яъне бочи гумруки бисёртар аз 25% аст??? Аммо ин ба манфиати давлат нест. Мо станоку техника намебарорем, аз хорича меорем. Дигар давлатхое, ки техника истехсол надоранд, барои дароварданаш боч намегиранд, баракс ба сохибкор имтиёзхо медиханд, чунки ин ба пешрафти давлат аст. Як техника камаш 100 хазор доллар бошад, сохибкор аз банк карз мегирад, хисоби пратсентояш медавад, боз вакти дароварданаш вай бояд камаш 25 хазор доллар дихад??? Кадом сохибкор дар ин хел шароит кор мекунад? Аз кучо чойхои нави кори мешавад?
Соли дигар мардакхои аз аблавахои россия тарсидаги ончо намеранд, отаю очахошон намемонанд. Мурем, хаминча мурем мегуянд. Ба хамаи онхо чои кор даркор. Инро хам фикр кунед. Ин боча тамоман бекор кардан даркор.

Ҷавоб диҳед Иқтибос Шикоят

Эзоҳ илова кунед