Бахшҳо

Идомаи ифшокориҳои Гулнора: Модарам падарамро фиреб карда истодааст

Гулнора Каримова, духтари калонии раисиҷумҳури Узбакистон, Ислом Каримов, бегоҳи 22-юми ноябр дубора ба шабакаи Твитер баргашта, иттиҳомот алайҳи модараш, Татяна Каримоваро оғоз кардааст.

Гулнора менависад, “Модари азизам! Медонам, ки бодиққат навиштаҳои маро мехонӣ ва ҳамарӯза ба сари масъулини хадамот дод мезанӣ, ки чаро наметавонанд, твитерро банданду ба даҳани ман муҳри хомӯшӣ зананд. Ман ин ҳамаро бо таассуф назора дорам.”

Дар идома Гулнора Каримова модарашро дар боздошти ҷонибдорони худ ва тақаллубкорӣ гунаҳкор мекунад: “Ин мубориза бо мухолифин нест. Ин як беқонуниятие аст, ки модарам ташкил кардааст. Дар ин фазо дилхоҳ касро барои дилхоҳ ҷиноят гунаҳкор кардан имкон дорад.”

Духтари калонии раисиҷумҳури Узбакистон инчунин аз он шикоят дорад, ки модарашро падарашро фиреб дода, монеи мулоқоташон шудааст: “Модарам ба атрофиёни падарам фармоиш додааст, ки маро наздаш нагузоранд бо ӯ пайваст накунанд.”

Каримова менависад, акнун вақте ба чунин ҳолат гирифтор шудааст, амиқан зарурияти созмонҳои ҳомии ҳуқуқро дарк кардааст ва таъкид намудааст, ки бояд фаъолияти худро дар Узбакистон густариш диҳанд.

Ин дар ҳолест, ки духтари бузурги Ислом Каримов, раисиҷумҳури Узбакистон, 21-уми ноябр дар изҳороти худ модару хоҳарашро барои аз худ кардани тиҷорату чанд ширкати хусусӣ, аз ҷумла бозори “Абу Сахӣ” ва додугирифти пинҳонӣ бо Туркияву Чин муттаҳам намудааст. Вай дар идома дар бораи холабачааш Акбар Абдуллоев низ сухан гуфтааст, ҳоло дар зиндон нигаҳдорӣ мешавад. Гулнора гуфтааст, Акбар ба тиҷорати модару хоҳараш кумак мекард ва вақте бо хоҳиши холабачааш хостааст ӯро ба назди Ислом Каримов бубарад, модараш ӯро ба зиндон андохтааст.

Ба иддаои Гулнора Акбар кори 25 иншооти тиҷоративу иҷтимоиро дар Узбакистон назорат мекардааст, ки фоидаи онро модару хоҳараш – Лола мегирифтаанд. Вай навишта, ки аз модараш хост, то Акбар зиндонӣ нашавад, аммо натиҷа надод. “Акбар ҳоло мисли бомбаест, ки бо мурури вақт метаркад, чунки дар бораи корҳои сиёҳи модарам иттилои хеле зиёд дорад”,-илова кардааст Каримова.

Духтари бузурги раисиҷумҳури Узбакистон тамоми мушкилоте, ки ҳоло дорад, аз модари худ дида ва навиштааст, “ӯ ҳамон ваъдаашро иҷро мекунад. Аммо, мутаассифона, аз ин баҳсҳои афроди наздик одамони зиёде ранҷ мебаранд.”

Гулнора Каримова духтари калонии Ислом Каримов, президенти Узбакистон аст. Гулнораро дар чанд соли қабл вориси аслии курсии падар медонистанд. Аммо чанд вақти ахир дар мавриди сардӣ миёни ӯ ва падараш сару садоҳои зиёде ҳаст. Ҳатто гуфта шуд, Ислом Каримов Гулнораро задааст. Ҳоло чаҳор шабакаи телевизионии марбут ба ӯ аз фаъолият боз монда, бархе аз ширкатҳои вобаста ба духтари раисиҷумҳури Узбакистон мавриди бозҷӯии мақомоти қудратии узбак қарор гирифтанд. Хонум Каримова ин овозаҳоро таъйид ва иқдоми мақомоти қудрати кишварашро ғайриқонунӣ унвон карда буд.
Мӯҳр
Хонавода ва гирду атрофи шоҳон, вазирон ва кабирон таърихан пур аз дасиса, сирру асрор ва гапу калоча мебошанд. Аз ин хотир хонаводаи Каримов ва ҳамтоёни ҳамсояаш истисно нестанд. Сари қудрат даҳсолаҳо нишастӣ, ҳамин вазъият пайгират хоҳад буд. Духтари Каримов танҳо нӯги калобаро кушодааст, худи калоба кушода шавад, Узбакистон метаркад.

Абдуллох
Ин як сенарияи тархрезишудаи чаноби Каримов аст. Аз Гулнора- апа лидер сохта истодааст. Давомаш такрибан хамин хел мешавад, ки мардуми узбак дилашон ба Гулнора месузад, зеро Гулнора исбот мекунад, ки пулхоро бо рохи халол чамъ овардааст, аз у пуштибони мекунанд ва офаринаш мегуянд ки тавонист дар баробари Ислом Каримови диктатор истодагари кунад. Ноогох Ппрезиденташ интихоб мекунанд баъд тамом боз хамоно Ислом Каримов сиёсаташро тавассути Духтарчонакаш идома медихад. мухлати президентиш соли 2014 тамом мешад ку,,,,,,,,

"Дар ин фазо дилхоҳ касро барои дилхоҳ ҷиноят гунаҳкор кардан имкон дорад.”
Харду "дилхох" нодилхох аст ва бемавкеъ ва бемантик истифода шудааст. Оё чиноят метавонад "дилхох" бошад ва агар шахс "дилхох" бошад, уро гунахкор мекунанд?
Пас гунаи точикии ин чумла бояд чунин бошад: "Дар чунин вазъ хар касро метавон бо хар бахонае гунахкор кард".

Абдуллох,
Бародар Абдуллох гапи хакро гуфти

CHto-to znakomaya istoriya dlya TADJIKSOGO naroda )))))

Абдуллох,

Бале, ин вариант ҳам аз ҳақиқат дур нест. Имкон дорад, ки нақша ҳамин тавр аст.

munosibati gulnora ba tojikon chi xel bud???ki medonad???

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)