Бахшҳо
29 ноя 2013 09:59Тоҷикистон / Сиёсат

Хитоби Авфи Байналмилал ба Эмомалӣ Раҳмон ва Шерхон Салимзода

Созмони Авфи Байналмилал ё Амнести Интернешнл рӯзи 29 ноябр бо пахши изҳороте аз шиканҷа шудани Умедҷон Тоҷиев -- сокини ноҳияи Исфара ва узви Ҳизби наҳзати исломӣ, нигаронӣ кардааст.

Ин созмон бо такя ба манобеи худ мегӯяд, Умедҷон Тоҷиев худсарона боздошт шуда, таҳти фишору шиканҷа қарор дорад ва шароити муолиҷа барояш муҳайё нест. Инчунин, дар изҳороти ин созмон аз маҳдуд будани дастрасии наздикону вакилони мудофеъ ба Тоҷиев изҳори нигаронӣ шудааст.

Авфи Байналмилал мегӯяд, Тоҷиеви 34-сола, ки ба хоҷагидорӣ машғул буд, 30 октябри соли ҷорӣ, аввал бо иттиҳоми маъмурӣ боздошт шуда, баъдан ӯро водор кардаанд, худро “террорист” эътироф кунад. “Аз 30 октябр то 2 ноябр чанд маъмури пулис, аз ҷумла ноиби сардори Шӯъбаи умури дохилии ноҳияи Исфара ба сари Тоҷиев халта кашида, ӯро давоми чанд рӯз бе хоб, об ва ғизо гузоштаанду мавриди шиканҷа қарор додаанд. Барои он ки осори шиканҷа боқӣ намонад, аз латтаи тар истифода карда, Тоҷиевро мавриди таъсири шиддати барқ қарор додаанд”,-омадааст дар изҳороти Амнести Интернешнл.

Дар изҳороти ин созмон гуфта шудааст, дар пайи ин ҳама фишор Тоҷиев фурсат ёфта, худро аз ошёнаи севум партофтааст. Авфи Байналмилал аз суханҳои Умедҷон Тоҷиев дар ин бора иқтибос овардааст: “Ман одами диндорам ва медонам, худкушӣ гуноҳи азим аст. Лекин илоҷи дигар надоштам, медонистам, дар ин ҷо касе ба додам намерасад. Хостам, диққати ҷомеаро ҷалб кунам. Ин як шакли эътироз буд. Он ҷо маҷбур будам, ҳар чизеро, ки маъмурин мехостанд, ба дӯш бигирам.”

Дар ҳамин ҳол, Созмони Авфи Байналмилал мегӯяд, Тоҷиев ҷароҳати вазнин бардошта, вале дар беморхона табобати зарурӣ нагирифта дубора ба боздоштгоҳ интиқол дода шудааст. Ин созмон аз дастрасии маҳдуди наздикону вакилони дифоъ ва шароити номусоиди табобати Тоҷиев изҳори нигаронӣ намуда, дар хитоб ба Эмомалӣ Раҳмон -- раисиҷумҳури Тоҷикистон ва Шерхон Салимзода – додситони кулли кишвар изҳор медорад, ки чунин ҳолатҳо дар Тоҷикистон бисёр сар мезананд. Авфи Байналмилал аз мақомоти тоҷик ва ҷомеаи шаҳрвандӣ талаб дорад, чунин қазияҳоро пайгирӣ кунанду барои баррасии мунсифона ва муҷозоти муҷримон мусоидат намоянд.

Умедҷон Тоҷиев, сокини шаҳри Исфара ва узви ҲНИТ, 30 октябр аз сӯи маъмурони пулис ба ҷурми “ҳуқуқвайронкунии маъмурӣ” боздошт шуда, баъдан ба ташкили иттиҳоди ҷиноӣ айбдор гардид. Аммо рӯзи 2 ноябр ӯ бо ҷароҳатҳои вазнин ба бемористон интиқол ёфт ва мақомот дар шарҳи ин ҳодиса гуфтанд, ки Умедҷон Тоҷиев худро аз ошёнаи севуми бинои Идораи пулис ба зер афканда, талош кардааст, аз боздошт фирор кунад.

Ахиран Вазорати умури дохилии Тоҷикистон бо пахши як хабар аз барканории чанд тан аз кормандони пулиси Исфара дар робита ба ин қазия хабар дод. Масъулон ин ниҳод гуфтанд, бемасъулияти ин афрод сабаб шудааст, ки Тоҷиев худро аз тирезаи Шӯъбаи корҳои дохилӣ ба зер афканда ва маҷруҳ кунад.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
Emomali Rahmon va Sherkhon Salimzoda parvo nadoran. in kheli korhora... Behtarash Amnisty International ba mardum murojihat kuna

хнит
Кабири мебоист дар пеши дарвозаи махбасхонахои Хучанд гуруснанишини мекард. Дар ин кишвар аз гуруснаги муриям касе ба додат намерасид. Ин вокеъият аст.

Avfi Baynalmilal guyo boboyi tamomi tojikstoniyon boshad. AB tu naqzi huquqi inson dar Suriya,Misr, Afgoniston, Iroq, Falastin, ki bo dasti khojagoni shumo rukh doda istodaast namebini? Va inham naqshahoi demokratikunonii shumost ki onhoro ba in hol ovardaast. Aknun mekhohed hamon zayl demartyaatonro dar mo jori kuned? Avfi baynalmilal ne JOSUSI BAYNALMILA. Man ilhtisor karda navistam to ki hop shavad . OZODAGON OZOD ...

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)