Бахшҳо

Таъини роҳбарони Кумитаи забон, Академияи улум ва донишгоҳҳо

Фарҳод Раҳимов рӯзи 6 декабр бо фармони раисиҷумҳур аз мақоми муовини аввали вазири маорифи Тоҷикистон барканор ва президенти Академияи илмҳои кишвар таъин шуд. То ин муддат, ҳашт соли охир, Мамадшо Илолов раёсати Фарҳангистони улумро бар ӯҳда дошт.

Фарҳод Раҳимов, президенти нави Академияи илмҳо, 19 сентябри соли 1968 дар шаҳри Панҷакенти вилояти Суғд ба дунё омада, соли 1992 Донишгоҳи давлатии миллии Тоҷикистонро хатм кардааст. Ӯ доктори илмҳои физика-математика мебошад ва бо Ҷоизаи Исмоили Сомонӣ барои олимони ҷавон сарфароз гардидааст. Фарҳод Раҳимов аз соли 2006 то ин дам ба ҳайси муовини аввали вазири маориф кор мекард. Қаблан муовини раиси Донишгоҳи миллии Тоҷикистон буд.

Дафтари матбуоти раёсати ҷумҳурӣ аз оқои Раҳимов ба ҳайси мансабдори ҷавон, ки ҳамагӣ 45 сол дорад, ёдоварӣ намудааст. "Шаш нафари дигари имрӯз ба вазифаҳои баланди пурмасъулият таъингардида кадрҳои ҷавони то чилсола мебошанд",-навиштааст торнамои раисиҷумҳур.

Бо фармони дигари раисиҷумҳури Тоҷикистон Раҳматулло Мирбобоев, ки то ин дам раиси Донишкадаи молия ва иқтисоди Тоҷикистон буд, муовини аввали вазири маориф таъин шудааст. Инчунин, Ҳукматулло Аҳмадов, раиси Академияи илмҳои кишоварзии Тоҷикистон, бо сабаби ба нафақа баромаданаш аз вазифа озод ва ҷои худро ба ихтиёри Иззатулло Сатторӣ гузоштааст. Оқои Сатторӣ то ин дам ректори Донишгоҳи кишоварзии Тоҷикистон буд.

Додихудо Саймиддинов ҳам бо фармони раисиҷумҳур ба нафақа баромада, аз вазифаи раиси Кумитаи забон ва истилоҳоти назди ҳукумати Тоҷикистон озод шудааст. Ҳоло ба курсии ӯ Гавҳар Шарофзода такя зад, ки қаблан ректори Донишкадаи такмили ихтисоси хизматчиёни давлатӣ буд.

Баробари ин раисиҷумҳури Тоҷикистон ректорҳои як қатор донишгоҳу донишкадаҳои кишварро иваз намуд. Аз ҷумла Анвар Абдурасулов бо сабаби ба нафақа баромадан аз вазифаи Ректори Донишгоҳи техникии Тоҷикистон ба номи академик Муҳаммад Осимӣ озод карда шуд. Ҳайдар Одинаев аз вазифаи Директори иҷроияи Филиали Донишгоҳи давлатии Маскав ба номи М.В. Ломоносов дар Тоҷикистон озод карда шуда, Ректори Донишгоҳи техникии Тоҷикистон ба номи академик Муҳаммад Осимӣ таъин гардид.

Раҷабмад Амиров бо сабаби ба кори дигар гузаштан аз вазифаи Ректори Консерваторияи миллии Тоҷикистон озод карда шуд. Фароғат Азизӣ аз вазифаи Муовини вазири фарҳанг озод гардида, Ректори Консерваторияи миллии Тоҷикистон таъин карда шуд.

Абдулҳамид Нозимов аз вазифаи мудири шуъбаи илм ва маорифи Дастгоҳи иҷроияи Президенти Ҷумҳурии Тоҷикистон озод карда шуда, Директори иҷроияи Филиали Донишгоҳи давлатии Маскав ба номи М.В. Ломоносов дар Тоҷикистон таъин гардид.

Ашурбой Солиев ректор Донишкадаи молия ва иқтисоди Тоҷикистон таъин карда шуд. Рустам Азизов аз вазифаи Ректори Донишкадаи кӯҳию металлургии Тоҷикистон бо сабаби ба кори дигар гузаштан озод шуда, ба ҷойи ӯ ба ин вазифа Мухтор Фозилов таъин карда шуд. Рустам Ҷалилов аз вазифаи Ректори Донишкадаи энергетикии Тоҷикистон бо сабаби ба кори дигар гузаштан озод карда шуд. Ба ин вазифа Хайрулло Назаров таъин гардид.

Эмомалӣ Раҳмон ҳамаи ин афродро рӯзи шашуми декабр ба ҳузур пазируфта, "барои гузарондани ислоҳоти куллӣ дар Академияи илмҳои Тоҷикистон ва Академияи илмҳои кишоварзӣ, ҳамқадам бо замони муосир рушду такомул додани илму техника, баланд бардоштани сифати таълиму тарбия дар муассисаҳои олии таҳсилотӣ ва афзун намудани самарабахшии корҳо" дастур додааст. Вай гуфтааст, "барои омодасозии олимони ҷавон аз тамоми имкону захираҳо васеъ истифода бурда шавад, зеро синни миёнаи олимони ҳозираи Академияи илмҳои Тоҷикистон қариб 70 солро ташкил медиҳад."
Мӯҳр
Хакдод
Бехтарини бхтаринхоро таин карданд, Худованд тавфикашон дихад.

Фируз
Фарход донишманд аст, вале у ягон замон муовини раиси Донишгоҳи миллии Тоҷикистон набуд

Ба хамаи интихобшудагон ва шахсони бовариноки халку Ватан барори кор ва хонаободи таманно дорем. Мо ахли кормандону шогирдони Фарход Кодирович устодро сидкан табрик гуфта, барояшон доимо сарбаланду комёб буданро хохонем, Бовари дорем, ки он кас шахси арзанда буда, ба талаботи замон муносиб тамоми дастуру супоришоти Сарвари давлатро ба ичро мерасонанд. Барори кор!

Тоҷик
Адиба, ш. Душанбе,
Адиба, ш. Душанбе,
Адиба, ш. Душанбе,
Адиба, ш. Душанбе,
Дониш доштани Фарҳод Раҳимовро намедонаму аммо ӯ озмуни мактаббачаҳоро ба бизнес табдил дод.










\\\\\\\

Устод НАЗАРОВ ХАЙРУЛЛО муборак бошад! Олими чавон!

неъмат
фарходчон мубораки вазифаи нав

abdulhamid nozimov muborak shavad.arzanda hasted ustod.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)