Юнон хабари шиканҷаи шаҳрвандаш дар зиндони Узбакистонро таҳқиқ мекунад
Вазорати умури хориҷии Юнон, иттилои Гулнора Каримоваро дар мавриди таҳти шиканҷа қарор гирифтани як шаҳрвандаш таҳқиқ мекунад.
Духтари бузурги Ислом Каримов, раиси ҷумҳури Узбакистон чанд рӯз қабл дар саҳифаи Твиттераш навишт, ки Янис Галанос, шаҳрванди 31 солаи Юнон дар пайи шиканҷа 20 кило хароб шудааст. Ба иддаои Гулнора Каримова Янисро дар таҳхонаи Хадамоти миллии амниятии Узбакистон шиканҷа намудаанд: «Янис Галаносро зери мушту лагад гирифта ва ӯ маҷбур шудааст, ки назди дурбини телевизион гуноҳро ба гардан бигирад. Даҳшат, чунин ҳолатро қаблан мо танҳо дар филмҳо медидем».
Гулнора дар идома навишта, ки зери шиканҷа Янис маҷбур шудааст, ки бигӯяд, 90-99 дар сади пайравони Каримова дар Твиттер «сунъӣ»-янд.
«Сафоратхонаи мо то кунун ба чунин вазъият рӯбарӯ нашуда буд. Агар маълум шавад, ки Янис Галанос дар ҳақиқат шаҳрванди Юнон аст, мо барои ӯ кӯмаки ҳуқуқӣ мерасонем»,- гуфтааст як корманди сафорати Юнон дар Маскав.
Янис Галанос ба ҳайси аккос ва тарроҳ дар лоиҳаҳои Гулнора Каримова фаъолона иштирок мекард.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |