18 дек 2013 11:15Оcиёи Марказӣ / Тоҷикистон

Тоҷикон дар афсонагӯӣ беҳтарини Осиё эътироф шудаанд

Вазорати фарҳанги Тоҷикистон мегӯяд, имсол дар озмуни байналмилалии сенарияҳо аз рӯи афсона, ривоят ва ҳаммосаҳои халқҳои Осиё, таҳти унвони «Санъати афсонагӯӣ» намояндагони Тоҷикистон соҳиби шоҳҷоиза шудаанд.

Ба иттилои манбаъ ин озмуни байналмилалӣ се сол инҷониб баргузор мешавад ва имсол ба гирифтани шоҳҷоизаи Озмун, намояндагони Тоҷикистон, муаллифони сенарияи спектакли «Мақсуд зи ҷумла офариниш моем» («Конечная цель всего творения мы»), Азим Аминов ва Олим Салимзода мушарраф гаштанд.

Вазорати фарҳанг мегӯяд, ин асар дар асоси рубоиёти фалсафӣ ва ҳикматомӯзи суханвари мумтози тоҷик Умари Хайём офарида шуда, ғановати адабиёти гузаштаи миллати моро барои ҷаҳониён муаррифӣ мекунад.

Манбаъ афзуд, ҳамчунин дар Озмуни мазкур шоир, нависанда ва драматурги тоҷик Садри Умар бо сенарияи филми ҳунарии «Чамбули мастон» ғолиб дониста шуд: “Садри Умар дар солҳои 2011 ва 2012 низ бо сенарияҳои спектакли «Гӯрзод» ва филми ҳунарии «Тифле дар чанголи уқоб» дар озмун иштирок намуда, ҷойи худро дар сафи ғолибон ишғол намуд.”

Ин озмун ҳамасола бо ҳимояти Вазоратҳои фарҳангии Корея, Қазоқистон, Тоҷикистон, Қирғизистон ва Узбакистон баргузор шуда, соли 2014 низ даври ниҳоии он дар шаҳри Душанбе дар назар дошта шудааст.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Дар як чизхое голиб мебароем, ки ба касе лозим нестанд.

Ҷавоб диҳед Иқтибос Шикоят

хонанда

Ана инро маданияти баланд меноманд. Аз афсонахони безор шудем. Вакти он расидааст ростгуиро омухтан лозим то ягон пешрави дар зиндаги шавад.

Ҷавоб диҳед Иқтибос Шикоят

Dev

Тоҷикон дар афсонагӯӣ беҳтарини Осиё эътироф шудаанд".
A kak zhe . Nisfi tojikon afsonahon , nisfi digar korii kuron .Sohibkasboni asri21 .

Ҷавоб диҳед Иқтибос Шикоят

Salim

Чаро мо дар афсонагуи бехтарин нашавем, чун зиндагии мо имруз вокеан ба як афсоанаи хакики табдил ёфтааст? Об афсона, рох афсона, барк афсона, газ афсона, кор афсон. Умуман тамоми сиёсати хукумати имрузаи мо афсона аст.
Вакте хама чиз афсона аст пас мо чи гуна дар дигар озмунхо голиб оем? Ягона озмуне ки мо дар он голиб меоем ин хамин афсона аст. Шукри хукумати чоночонамон!

Ҷавоб диҳед Иқтибос Шикоят

shamsiddin

Рухияи мардуми Осиёи марказиро хамин афсонахост, ки ба Зиндаги гарм месозад. Набошад онхо кайхо аз сафхаи таърихи башари чун навиштачоди болои лавхахои замони муосир пок мегарид.

Ҷавоб диҳед Иқтибос Шикоят

хоби ширин

Як афсона моро ба хоби чандсола мебарад. Ин афсона не, афсун аст.

Ҷавоб диҳед Иқтибос Шикоят

Эзоҳ илова кунед