23 дек 2013 14:27Тоҷикистон / Иҷтимоӣ / Мусоҳибаҳо

Мамадшо Илолов: “Мо хонаҳоро аз рӯи адолат тақсим кардем”

Мамадшо Илолов, президенти собиқи Фарҳангистон (Академия)-и улуми Тоҷикистон, ки дар пайи тағйироти кадрии ахир аз мақомаш барканор гардид, мегӯяд, то ҳол дар бораи тафтишоти Оҷонсии зидди фасоди молӣ хабар надорад.

Хабаргузории “Тоҷнюз” рӯзи 23 декабр бо такя ба манобеи худ навишт, Оҷонсии зидди фасоди молӣ тафтишот дар фаъолияти Илолов ва Академияи илмҳоро оғоз кардааст. Ба навиштаи хабаргузорӣ, гӯиё шикояти як гурӯҳ кормандони Академияи илмҳо боиси оғоз шудани тафтишот гардидааст. “Онҳо дастҷамъона гӯиё дар бораи тақсимоти ноодилонаи манзилҳои зист ба кормандони Академияи илмҳо аз ҷониби роҳбарияти собиқ шикоят кардаанд”,-навиштааст “Тоҷнюз”.

Аммо Мамадшо Илолов дар сӯҳбат ба “Озодагон” гуфт, агар Оҷонсии мубориза бо фасоди молӣ чунин гуфта бошад, асос надорад. “Ростӣ, ман аз ин хабар надорам. Дар ин бора ҳам ягон мактуб ба ман наомадааст. Чанде пеш чунин тақсимоти хона ба кормандон буд, лекин он бо тартиб ва одилона сурат гирифт. Ягон қонуншиканӣ дар ин ҷо нест”,-афзуд Мамадшо Илолов.

Масъулони Оҷонсии мубориза бо фасоди молӣ дар сӯҳбат ба “Озодагон” оғози тафтишотро нисбат ба Илолов тасдиқ ё такзиб накарда, барои шарҳи ин мавзӯъ номаи расмӣ хостанд. Ин хабар дар ҳоле расонаӣ шуда, ки ҳафтаи гузашта Мамадшо Илолов дар қатори Мӯъмин Қаноат, Гулрухсор Сафиева ва Мӯсо Диноршоев ба Эмомалӣ Раҳмон, раисиҷумҳури Тоҷикистон, нома фиристода, хостори ҳалли одилонаи қазияи Зайд Саидов - соҳибкор ва вазири пешини саноат шуд. Муаллифони ин нома ба раисиҷумҳур гуфта буданд, бовар доранд, ҷуз дахолати мустақими ӯ ба қазияи Зайд Саидов илоҷи дигаре дар таъмини риояти қонун ва дарёфти ҳақиқат нест.

Мамадшо Илолов ҳашт соли охир раёсати Фарҳангистони улуми Тоҷикистонро бар ӯҳда дошт ва дар оғози моҳи декабри соли ҷорӣ бо фармони раисиҷумҳур ҷояшро ба Фарҳод Раҳимов -- собиқ муовини аввали вазири маориф дод. Оқои Илолов дар гузашта вазири меҳнат низ буд.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Ватандӯст

Мамадшо Илолов барин олимони барҷаста,ки берун аз Тоҷикистон низ машҳуранд дар мо хеле каманд. Агар Оҷонсии фасод ба муқобили чунин олимон парвандаро оғоз намояд ин барои давлати соҳибистиқлоли Тоҷикистон аз ҷониби Оҷонсӣ хизмати хирсона мешавад.

Ҷавоб диҳед Иқтибос Шикоят

ввп

мурди ба ин номаикадагиттамом

Ҷавоб диҳед Иқтибос Шикоят

пп

Илоловро як предупреждения карданд. Яъне ки агар дахонатро махкам карда нагарди, парвандаро огоз намуда зиндониат мекунем. Ин тактикаи маълуми хукумат аст.

Ҷавоб диҳед Иқтибос Шикоят

Эзоҳ илова кунед