Талоши Исроил барои гузаронидани машқҳои ҳарбӣ дар Осиёи Марказӣ
Исроил мехоҳад, дар машқгоҳҳои бузургтарин кишвари Осиёи Марказӣ- Қазоқистон тамрини низомӣ гузаронад.
Шимон Перес, раисиҷумҳури Исроил дар мулоқот бо Одилбек Ҷақсибеков, вазири дифои Қазоқистон, ки ҳоло дар Тел-Авив қарор дорад, пешниҳод кардааст, ки дар тамрингоҳҳои Остона машқҳои низомии муштарак гузаронида шавад.
Вазири дифои Қазоқистон низ, гуфтааст, кишвараш ба хотири беҳбуди нерӯҳои мусаллаҳи худ, ба омӯзиши таҷриба ва омодагии ҳарбии артиши Исроил аломақаманд мебошад. Одилбек Ҷақсибеков аз мақомоти исроилӣ даъват кардааст, то дар мусобиқоти байналмилалии нишонзанҳо (снайперистон), ки аз 14 то 19 июли соли ҷорӣ дар шаҳри Спасси Русия баргузор мешавад, иштирок намоянд.
Тибқи иттилои дафтари матбуотии Вазорати дифои Қазоқистон, Ҷақсибеков дар ҷараёни сафараш ба Тел-Авив бо ҳамтои исроилии худ қарордодеро дар самти ҳамкории ҳарбӣ-техникӣ ба имзо расонидааст. Манбаъ мегӯяд, ин мақоми қазоқ дар доираи ин сафари худ аз чанд Маҷмааи истеҳсоли техникаи ҳарбии Исроил дидан кардааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |