398 миллион сомонӣ қарзи Барқи тоҷик аз Кумитаи андоз
Нусратулло Давлатов, раиси Кумитаи андози Тоҷикистон, рӯзи 28 январ тайи як нишасти хабарӣ дар қатори калонтарин қарздорҳо аз андоз “Барқи тоҷик”, Талко ва “Сангтӯда 1”-ро ном бурд.
Давлатов дар ин сӯҳбати худ бо хабарнигорон “Барқи тоҷик”-ро калонтарин қарздор аз андоз арзёбӣ намуда, афзуд, ин ширкат феълан дар назди буҷа 398 миллион сомонӣ қарздор аст, ки дар муқоиса бо ҳамин давраи соли гузашта 143,6 миллион сомонӣ зиёдтар аст. Раиси Кумитаи андоз ҳаҷми қарзи нерӯгоҳи “Сангтӯда 1”-ро 52,7 миллион сомонӣ гуфт: “Феълан мо бо нерӯгоҳ дар бораи пардохти андоз созишнома бастаем ва агар уҳдадориҳояшро иҷро накунад, бақияи қарзҳояш боз зиёд шудан хоҳад гирифт.”
Нусратулло Давлатов таъкид намуд, дар маҷмуъ бақияи қарзи андозҳо дар кишвар 800 миллион сомониро ташкил медиҳад, ки 90 дарсади он ба корхонаҳои зертобеи Вазорати энергетика, ширкати “Барқи тоҷик”, корхонаи алюминиюми Тоҷикистон “Талко” ва нерӯгоҳи “Сангтӯда 1” рост меояд. Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |