29 янв 2014 09:29Оcиёи Марказӣ / Тоҷикистон

Қирғизистон нерӯҳои иловагияшро аз марз бо Тоҷикистон берун мекашад

Тамоми ҷузъу томҳои мақомоти қудратии вилояти Бодканд амр гирифтаанд, ки марзи муштараки Қирғизистону Тоҷикистонро тарк намуда, ба ҷои аввалаашон баргарданд. Чунин тасмимро Искандар Мамбеталиев, сардори ситоди Хадамоти сарҳадӣ, пас аз мулоқоти намояндаҳои бахши марзбонии Қирғизистону Тоҷикистон гирифтааст.

Мамбеталиев гуфта, ки ҷониби Тоҷикистон ҳам дар навбати худ ваъда додааст, нерӯҳои иловагияшро аз марз бо Қирғизистон берун мекашад. Ба қавли ӯ, акнун ҳифзи сарҳадот ба ҳолати маъмулӣ хоҳад баргашт.

Дар пайи тирпаронӣ миёни марзбонҳои қирғизу тоҷик, ки зуҳри 11 январи соли ҷорӣ дар Хоҷаи Аълои ноҳияи Исфара ба вуқуъ пайваст, ду ҷониб нерӯҳои бештареро дар наздикии марз мустаққар карданд.

Гуфта мешавад, ин тирпаронӣ аз ду тараф ҳашт захмӣ боқӣ гузоштааст. Вазорати умури хориҷии Тоҷикистон бо нашри изҳороте гуфт, тирпаронӣ бидуни кадом огоҳӣ нахуст аз тарафи марзбонҳои қирғиз оғоз ёфта, марзбонҳои тоҷик танҳо барои ҳифзи ҷонашон ба онҳо ҷавоб додаанд.

Мӯҳр

Хабарҳои монанд:

Хушбин

ИншоАллох дустй галаба мекунад!

Ҷавоб диҳед Иқтибос Шикоят

Ватандӯст-Челябинск

Бале,қирғизҳо ба мақсад расиданд,барои ҳамин бо сари баланд қувваҳои зиёдии худро оқиб мекашанд.Ҳоло дар Ворух ва Хоҷаи аъло мардум ҷамъ омадаанд,зеро ки ҳукумати Тоҷикистон ба шартҳои қирғизҳо розӣ шудааст.Агар розӣ шуда бошад,пас ин масхарабозиҳо чи даркор буд.Дар зимистон инқадар афсарони Тоҷик ҷонбозиҳо мекунанд.Ҳукумат бояд ба қадри ин афсарон бирасад ва замину халқи худро муҳофизат намояд.

Ҷавоб диҳед Иқтибос Шикоят

АХМАД

Бигузор тенчи бошад аз чанг барои мо ягон фоида нест

Ҷавоб диҳед Иқтибос Шикоят

Точикак

Хушбин,
бо киргиз дусти намешавад, факат зури... Тамом "галабаи навбатии дипломатияи точик" - дигар баъди камтар вакт боз чиргатолу мургобро дихед ба киргизхо...

Ҷавоб диҳед Иқтибос Шикоят

фаредрас

Сохтумони рохи" тандык"-ро ичозат дода боз бешарафона мегуянд,ки аз Хочаи Аъло то Ворух, худуди 4.5км ба 500м, аз киргизхо бар ивазаш мегирем.Онхое.ки боре дар Ворух буанд.медонанд, ки ин чи кадар хандаовар аст.Дар сурате ки кад-кади ин рох хонахои киргиз истодаанд ва киргиз ягон вакт гузашт намекунад ин як.Дуюмаш ин. ки киргизхо ин даъфа рохро намебанданд,обро мебанданд,ки аз он хам бадтар аст.Рузноманигор Додохон Эгамов бо хохиши хукумат ба гуши мардуми Ворух афсонаи "бузак"ро хонду рафт,ба хамин кисса тамом.Галабаи дипломатия,Акои Додохон,ин даъфа "чойхонаи мушфикиро"дар Карафшин ба навор мегирем.

Ҷавоб диҳед Иқтибос Шикоят

Эзоҳ илова кунед