Эрон аз "Истиқлол" 1 миллиону 900 000 доллар "қарздор" аст
Каримҷон Аҳмадов, як масъули Вазорати нақлиёти Тоҷикистон, дар ҷараёни нишасти хабарии 29 январ гуфт, барои таҷдиди нақби “Истиқлол” дар гарданаи Анзоб ба 1 миллиону 900 ҳазор доллари дигар ниёз доранд. Оқои Аҳмадов мегӯяд, ин миқдор пул бояд дар соли гузашта аз тарафи Эрон пардохта мешуд, ки то ҳол иҷро нашудааст.
Ин масъули Вазорати нақлиёт сабаби таъхиркориии Эрон дар интиқоли маблағро ба таҳримҳои ҷоринамудаи Аврупову Амрико алайҳи ин кишвар арзёбӣ намуд. Ӯ гуфт, қарор аст, дар соли ҷорӣ ҷониби Эрон маблағи заруриро барояшон ирсол мекунад ва таҷдиди нақби “Истиқлол” низ дар ин сол анҷом хоҳад ёфт. Дар маҷмӯъ барои таҷдиди нақби “Истиқлол” 6 миллион доллар лозим буд, ки аз ин шаш миллион 50 дарсади онро ҷониби Эрон ва боқиро Тоҷикистон бояд ҷудо мекарданд.
Каримҷон Аҳмадов мегӯяд, дар тӯли солҳои 2012 ва 2013 Эрон танҳо 1 миллиону 100 ҳазор доллар интиқол додааст, ки барои таҷдиди нақби Истиқлол кофӣ набуд. Бунёди нақби “Истиқлол”, ки дар гарданаи Анзоб воқеъ асту шаҳри Душанберо бо шимоли кишвар пайваст мекунад, аз соли 1998 бо кумаки молии Эрон аз ҷониби ширкати “Собир Интернешнл” оғоз шуда буд. Моҳи майи соли 2003 Душанбе ва Теҳрон барои анҷом корҳои сохтмонӣ Ёддошти тафоҳумро тасвиб карданд. Барои иҷрои ин тарҳ 39 миллион доллар ихтисос шуда, аз ин миён 21 миллион доллар кумаки билоивази Эрон мебошад. Айни ҳол бо вуҷуди ифтитоҳи расмии нақб вазъи он ногувор буда, мусофирон зимни убури он ба мушкилиҳо дучор мешаванд.
Низом Ҳакимов, вазири собиқи нақлиёт, тобистони соли гузашта аз таъхиркории эрониҳо дар таҷдиди нақби истиқлол интиқод карда гуфт, “агар эрониҳо аз ин нақб даст кашанд, чиниҳо омадаанд, таҷдиди онро базудӣ ба анҷом расонанд.” Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |