11 фев 2014 20:19Оcиёи Марказӣ / Узбакистон

Ислом Каримов дар Сочи аз тими кишвараш истиқбол накард?

Наворҳои видеоӣ аз ҷараёни ифтитоҳи Бозиҳои зимистонаи олимпӣ дар Сочи, ки шоми 7 феврал баргузор шуд, ин суолро халқ кардааст, ки оё Ислом Каримов, раисиҷумҳури Узбакистон ҳангоми аз майдон гузаштани тими кишвараш бархоста онҳоро истиқбол кард ё на?

Торнамои uznews.net ба ҳамин мавзӯъ пардохтаву дар матлабе навиштааст, ки бештари шарҳнависон дар интернет аз он ки Ислом Каримов ҷониби варзишгарон дастафшонӣ накард, дар тааҷуб афтодаанд.

“Коргардонҳо дар чунин чорабиниҳо вақте ягон ҳолати аҷиб мешавад, маъмулан дурбинҳои телевизионро ба он тараф мегардонанд, аммо шояд вақте тими Узбакистон аз майдон мегузашт, дар минтақае, ки Каримов менишаст ҳеч амале ба вуқуъ напайваст ва кадри кирои сабте набуд”,-навиштааст манбаъ.

Аммо менависад, -uznews.net- тамошобинон диданд, ки президентҳои Қирғизистон Алмосбек Отамбоев ва Тоҷикистон Эмомалӣ Раҳмон тимҳои кишвари худро истиқбол мекунанд: “Президенти Қазоқистон Нурсултон Назарбоев бошад, бо ифтихори зиёд варзишгаронашро истиқбол намуду райисҷумҳури Украина Виктор Янукович байрақи кишварашро меафшонд”.

“Бо вуҷуд камераҳои телевизион дар чорабиниҳои бахшида ба ифтитоҳи олимпиада Каримовро нишон доданд. Ҳар вақт, ки ӯ дар дурбин меафтид, дида мешуд, ки бо марди бо айнакҳои калон дар паҳлуяш нишаста гарм суҳбат дорад. Uznews.net натавонист ин нафарро шиносоӣ кунад”,-навиштааст торнамо.

Ташпулод Юлдошев, сиёсатшиноси узбаки муқими Амрико ба торнамо гуфтааст, “дар гумон аст, ки Каримов бо кадом як мансабдори узбак чунин гуфтугуи дурудороз намояд”.

“Бори дигар Каримов дар дурбини телевизион замоне афтид, ки дар зиёфати ба хотири олимпиада додаи президенти Русия Владимир Путин ҳузур дошт. Ӯ дар мизе ҳамроҳ бо президентҳои Украина Виктор Янукович ва Туркманистон Қурбонгулӣ Бердимуҳаммадов менишаст ва ғамангез, солманд ва хаста менамуд”,-навиштааст манбаъ.

Узбакистонро дар Олимпиадаи Сочи се варзишгар- Ксения Григорева, Артем Воронов ва Миша Гё намояндагӣ доранд.

Мӯҳр

Хабарҳои монанд:

Носир

Президенти мо Шери нар аст!
Дустони азиз биеед кадраш кунем, ки сад солахо мегузаранду ин хел сарвари матину гаюр намеебем!
Хама манфиатхои гурухию сиесию минтакавиро як тараф монда, дастро дар руи сина монда рози шавед родмандони ватан!

Ҷавоб диҳед Иқтибос Шикоят

Сайед

Муйсафед пир шудагияй куввати дастафшони надора дигар

Ҷавоб диҳед Иқтибос Шикоят

Забардаст

Бародар носир инкадар президентатро тавсиф накун мага ягон варзишгари точик набуд ки байракбардор бошадй кадом як урусро дар олимпиада муаррифи кард е аз ин чизхо бехабари е ягон мансабдори е корманди фабрикайи чавоби бугу

Ҷавоб диҳед Иқтибос Шикоят

Абдуллох

Бародари гироми Забардаст! Биё чизхои майда чуйда накоб. Пешаки маълум буд, ки Точикистонро як нафар намояндаги мекунад. Дигар ин ки аз он ки дар хайати олимпии Точикистон як шахси маъруфи рус баромад чи чои иассуфу бадгуи аст? Ин мо точикон худро баъзан чунон хору залилу паст медонем, ки хатто дар гушаи хаёли ягон миллати дигар нест. Бинед як шахрванди русия бо фахру викор дастаи миллии моро хамрохи мекунад. Умуман мебахшед дар гушаи хаёли он касон нест ки точик ин аст ё вай аст. Умуман боиси фахри мо аст, ки :
1.ЧАНОБИ ОЛИ АЗ ЧОЙ ХЕСТА ВАРЗИШГАРИ ТОЧИКРО ИСТИКБОЛ НАМУД ВА ДАСТАФШОНИ НАМУД, ки инро тамоми чахон дид.
2. ТОЧИК ДАР НАЗДИ МИЛЛАТИ РУС МИЛЛАТИ ХОРУ ЗАЛИЛ НЕСТ ВА УРО РУСИ БОМАЪРИФАТ ЭЪТИРОФ МЕНАМОЯДУ УРО ХАМРОХИ КАРДАН МОЯИ ИФТИХОРАШ МЕДОНАД,

Ҷавоб диҳед Иқтибос Шикоят

Эзоҳ илова кунед