Русский  >>  فارسی  >>  Ҷумъа 26 апрел 2019, 10:51

Зайд Саидов гуфтааст, аз шароити боздоштгоҳ шикоят надорад

13 феврал 2014, 14:24

Як гурӯҳ аз намояндагони Созмони Милал ҳангоми боздид аз боздоштгоҳу муассисаҳои ислоҳии Тоҷикистон бо Зайд Саидов -- соҳибкор, вазири пешини саноат ва раҳбари Ҳизби Тоҷикистони нав, ки ба 26 соли зиндон маҳкум шудааст, дидор кардаанд. Лилия Захарева, мушовир оид ба ҳуқуқи инсони дафтари Созмони Милал дар Душанбе, дар сӯҳбат ба “Озодагон” гуфт, “ин дидор тасодуфӣ буд”.

Захарева мегӯяд, “дар ҷараёни сафари худ ҳайати Созмони Милал оид ба шиканҷа аз боздоштгоҳҳо ва дигар муассисаҳои пӯшида боздид карданд. Мулоқот бо маҳбусони мушаххас набуд. Вале мо ҳамроҳи намояндаи ҳайати СММ оид ба шиканҷа ва Эътилофи зидди шиканҷа дар Тоҷикистон тасодуфан бо Зайд Саидов вохӯрдем. Дар ҷараёни сӯҳбат аз ӯ дар бораи шароити нигоҳдорӣ, имкони ба ҳавои тоза баровардани маҳбусон ва истифодаи шиканҷа савол кардем.”

Ба қавли Лилия Захарева, Зайд Саидов дар ҷавоб ба суоли онҳо гуфтааст, нисбат ба ӯ аз шиканҷа кор нагирифтаанд ва ӯ аз шароити нигоҳдорӣ дар боздоштгоҳ шикояте надорад. Аз ин пеш, 12 феврал, дар посух ба суоли хабарнигори “Озодагон”, Хуан Мендез, гузоришгари вижаи Созмони Милал дар умури шиканҷа, ки бо сафари дурӯза дар Тоҷикистон буд, гуфт, бо Зайд Саидов дидор накардааст. Ӯ гуфт, онҳо бо масъалаи афроди алоҳида сарукор надоранд, балки вазъро дар умум назорат мекунанд.

Зайд Саидов, соҳибкор, вазири пешини саноат ва раҳбари Ҳизби Тоҷикистони нав, моҳи майи соли гузашта, ҳангоми бозгашт аз Фаронса, дар ҳоле ки масунияти вакили шаҳриро дошт, дар фурудгоҳи Душанбе боздошт гардид. Мақомот ӯро ба бисёрзанӣ, қаллобӣ, ришват, сӯистифода аз мақом ва таҷовуз ба номус муттаҳам карда, моҳи декабри 2013 ба 26 соли зиндон маҳкум намуданд. Вакилони мудофеи Зайд Саидов дар ҷараёни мурофиаи додгоҳӣ ва ҳоло низ ба бегуноҳии нафари таҳти ҳимояти худ пофишорӣ доранд. Онҳо мегӯянд, ҷаноби Саидов дар ҳеч кадом аз иттиҳомоте, ки мақомот ба номи ӯ пайванд медиҳанд, даст надорад. Вале худи ӯ ҳангоми ироаи сухани охиринаш дар додгоҳ гуфтааст, агар маҳкумияти ӯ ба наъфи миллат ва суботи ҷомеаи тоҷик зарур аст, пас, ӯ метавонад зиндонӣ бошад.

Бо гузашти тақрибан ду моҳ аз замони эълони ҳукми Зайд Саидов вакилони мудофеи ӯ то ҳол натавонистаанд матни ин ҳукмро дастрас кунанд. Шавкат Абдулхайров, қозии парванда, ба онҳо шарт гузоштааст, ки танҳо дар сурати ошкор накардани ҷузъиёти ҳукм матни онро барояшон хоҳад дод. Ин аст, ки то ба ҳол вакилон натавонистаанд аз болои ҳукми додгоҳ шикояти кассатсионӣ баранд.


Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)


Шарҳи худро бинависед:

Ном:*
E-Mail:
Матни шарҳ:
Посух додан
  • Адвокат

  • 13 феврал 2014 15:06
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
шинакчаро аз шиканчашудахо пурсед, тухмати Зайд худаш магар шиканча нест?
Посух додан
  • Вакил

  • 13 феврал 2014 16:17
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Адвокат,
бехтарин гапро гуфтед. барои Зайд тухмат аз куштан бадтар буд. уро маънаван азоб доданд. худо тухматгаронро азоби сангинеро хам дар ин дунё ва хам дар он дунё насиб кунад. омин.
Посух додан
  • tojik

  • 13 феврал 2014 18:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
zaid durust guftaast ki zindon shudanash ba manfiati tojiku vatan ast.chunki on nafarone ki bo zaid maksad doshtand notinjivu jang tashkil kunand.mumkin zaid namedonist?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
In sha Alloh ba nazdiki javob mesha , Alooh Akbar
Посух додан
  • адолат

  • 14 феврал 2014 00:10
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
хамин заид чи хизмат кардаи ,ки икадар тахрифаш мекунедаш aз расмаш дилгир шудем шахси тоза мешуд дар паси панчара намебуд хар ,ки бадкардааст ба рузи бад расад
Посух додан
  • озод

  • 14 феврал 2014 17:37
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Адолатбону кани адолататон, дар бораи як шахси ба тухмат гирифторшуда ин тавр нагуед!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
озод,
у адолата, да кадом вокзали Точикистон монда омадагиаааййй - ба Душанбе.
Посух додан
  • адолат

  • 15 феврал 2014 17:17
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
озодамо шумо як шахси бе масул будаед шумо ягон манфиати шахси доред,ки ин кадар тарафдори ин заидро мегиред манфиати худро аз конун боло нагиред
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
З. Саидов чихам мегуфт бечора гапи гуфтагиша гап зад фоидаша дид

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!