15 фев 2014 12:17Тоҷикистон / Бишкеку Душанбе / Сиёсат

Бишкек гуфт, пешниҳодҳои Душанберо баррасӣ ва баъд посух медиҳад

Ҳайати Тоҷикистон таҳти роҳбарии ноиби сарвазир Муродалӣ Алимардон зимни мулоқот бо ҳайати Қирғизистон таҳти роҳбарии ноиби сарвазири ин кишвар, Тоқон Мамитов дар Бишкек пешниҳодҳои худро дар мавриди баҳсҳои марзӣ ироа кардаст.

Тибқи иттилои ҳайати Тоҷикистон ҷониби қирғизҳо ваъда доданд, ки баъди омӯзиши пешниҳодҳо посухашонро тариқи роҳҳои дипломатӣ пешниҳод хоҳанд кард. Ба иттилои манбаъ ҷонибҳо ба мувофиқа расидаанд, ки мулоқоти навбатии ҳайатҳо моҳи марти соли равон дар Душанбе баргузор мешавад.

Аз пешниҳодҳои асосии Тоҷикистон зимни ин гуфтушунид аз ҷумла талаби роҳи мустақим аз Исфара то Ворух, қатъи сохтмони иншоотҳо дар мавзеҳои баҳсбарангези наздимарзӣ ва ифтитоҳи гузаргоҳҳои марзӣ арзёбӣ мешаванд. Қирғизистон баъди тирпарронии 11-уми январи соли равон, миёни марзбонҳои тоҷику қирғиз марзҳояшро бо Тоҷикистон баста, ҳамзамон ба сохтмони роҳи баҳсбарангези Кӯктош-Оқсой-Тамдиқ, ки боиси тирпаронӣ шуда буд, идома дода истодааст.

Ин дар ҳолест, ки дар пайи тавофуқи рӯзи 31 январи Муродалӣ Алимардон, ноиби нахуствазири Тоҷикистон, бо ҳамтои қирғизаш--Тоқон Мамитов се гуруҳи кории махсус аз Душанбеву Бишкек ташкил шуда буд. Ин гуруҳҳо 5 феврали соли ҷорӣ ҷаласаи нахустини худро дар Исфара баргузор карда, кори худро аз Хоҷаи Аъло, маҳалли тирпаронии 11 январ миёни марзбонҳои тоҷику қирғиз, шурӯъ намуда буданд.

Ба иттилои дафтари матбуоти Вазорати умури хориҷии Тоҷикистон, “аз ҷониби Душанбе гуруҳи корӣ оид ба масоили низомию марзро Шералӣ Хайруллоев, ёрдамчии раисиҷумҳур оид ба амният, гуруҳи корӣ оид ба мушаххас ва аломатгузории марзро Маҳмадтоҳир Зокиров, раиси Кумитаи заминсозӣ ва гуруҳи корӣ оид ба истифодаи роҳҳои наздимарзиро Хайрулло Асозода, вазири нақлиёти Тоҷикистон роҳбарӣ доранд.”

Мӯҳр

Хабарҳои монанд:

сухроб

то ба кай мо истиҳола намоем, аз ин қирғизҳо суиистифода карда истодаанд, мо ҳам принсипҳои миллии худамонро ҳифз намоем то зери по нашавем. ҳамаи заминҳое, ки бо гуноҳи раисҳои пешин аз даст рафтааст, бояд гирифта шавад, умедворам ки Ҳукумати Тоҷикистон истодагари мекунад ва сарзаминҳои тоҷиконро пас мегирад

Ҷавоб диҳед Иқтибос Шикоят

точик

Акнун то мохи март гузаргохо хамин хел махкам мемонанд чи?

Ҷавоб диҳед Иқтибос Шикоят

холис

Барои хамин гапро расондан 3 кас ба Бишкек рафтед???? Агар шумо онхоро мутакод карда натаовнед, барои чи меравед, танхо барои арз кардани хамин пешниходхо??? Метаовнистед, шумо хам тарики роххои дипломати пешниходу кунеду, давида ба пешашон наравед. Хичи намефахмам. Се шахси сохибнуфуз рафтанду пешниход карданду гашта омаданд. Тамом???? Натичаи кор чи? Оё президент мепурсад, ки чи натича аз ин гуфтушунид ба даст омад?????

Ҷавоб диҳед Иқтибос Шикоят

ozod

Холо дар Киргизистон такрибан 600 камази мардум боздошт шудаги инро хам ба миен гузошта бошан, агар байни камазхо 4-5 камазаш аз хаму бологихо мешуд зуд хами масалая дида мебаромадан. Ин бологихо чи парвои халк доранд.

Ҷавоб диҳед Иқтибос Шикоят

ватан

Токон Мамытови киргиз делегацияи моро масхарабози карда истодааст. Ягон одами босаводтар нест бо ин одам гапашро гузаронад. Аз саволу чавоби бо озоди кардааш маьлум шуд ки ин одам патриоти асили ватанаш будааст. Нотарсона бе дудилаги руи рост ба саволхои журналист чавоб додааст. Аз озоди хохиш ва илтимос бо Муродали Алимардон хам саволу чавоб ташкил карда чоп кунед.

Ҷавоб диҳед Иқтибос Шикоят

Ж.К. ВАН ДАММ.

Шахсан ман дар исфара будам, ахолии чоркух хакикатан дар азоб, агар мо бо зури заминамонро нагирем яьне бо кувваи худамон, хаминхел мемонад дар хозира замон ки зур биёяд хамоно аз худаш мешад.

Ҷавоб диҳед Иқтибос Шикоят

СИПОХИ

"Дузди зур сохиби говро задааст" мегуянд, рост будааст. Замин замини мо бошад, пас ин киргизхо номаъкул мекунанд. Дар ин гуфтушунид Сайдамир Зухуровро бояд чалб кард, чунки у "сир"-дон са сири хамаро медонад. Хамчунин сохиби дипломатияи чахонист. Замин барои Алимардон савдо, барои Зоиров заминфуруши ва барои Асозода намедонам чи нест. Сайдамир Зухуровро фиристед. У чону чигари миллат аст

Ҷавоб диҳед Иқтибос Шикоят

Бахром

Аз мухтарам Алимардонов хохиш менамоям, ки чи тавре киргизхо истодагари мекунанд мо хам кунем.Онхо роххои сархади моро бастаанд, мо бошем хохиши бо онхо мулокотро мекунем.ман намефахмам. Мухтарам Алимардонов, Шерали Хайруллоев .... Мо рохи 275 метрае, ки аз байни мо мегузарад ва рохи Охсойро аз назди Шашараи хочаи Аъло бандем, бовар кунед киргизхо дар як руз хохиши бо мо мулокот карданро хохиш мекунанд.

Ҷавоб диҳед Иқтибос Шикоят

Эзоҳ илова кунед