07 мар 2014 17:42Тоҷикистон / Иҷтимоӣ

Раҳимзода Рамазон Ҳамро ба ҷои Рамазон Раҳимов

Рамазон Раҳимов, вазири умури дохилии Тоҷикистон, дар пайи ҳазфи пасвандҳои русии “ов”-у “вич” аз насаби мансабдорони тоҷик номи худро ба Раҳимзода Рамазон Ҳамро табдил додааст. Генерал-лейтенант Раҳимзода Рамазон бори аввал моҳи январи соли 2012 ва бори дувум моҳи ноябри соли 2013 ба курсии вазири умури дохилӣ нишаст.

Ӯ фаъолияти хидматиашро аз нозири Шӯъбаи мубориза бар зидди ҷиноятҳои иқтисодии ШКД-и ноҳияи Мӯъминобод оғоз намуда, баъдан дар вазифаҳои сардори Шӯъбаи мубориза бар зидди ҷиноятҳои иқтисодии ШКД-и Данғара ва сардори ШКД-и ноҳияи Данғара кор кардааст. Ҷаноби Раҳимзода солҳои 1994-2001 вазифаи сардори ШКД-и ноҳияҳои Ховалинг, Норак ва баъдан вазифаи ҷонишини сардори Раёсати мубориза бар зидди ҷиноятҳои иқтисодии Вазорати умури дохилиро ба ӯҳда дошт. Соли 2005 ба ҳайси муовини вазири умури дохилӣ ва соли 2007 ҳамчун сардори Хадамоти муҳоҷирати ВКД низ кор кардааст.

Мақомдорони кишвар баъд аз интиқоди Шерхон Салимзода, додситони кулл, дар ҷаласаи солонаи ҳукумат, ки тоҷикӣ накардани насабро далели заъфи ғояи миллии афроди алоҳида донист, дарҳол ба тағйири насабашон гузаштанд.

То ҳол бисёре аз мақомдорони тоҷик, аз ҷумла Бег Зуҳуров (Бег Сабур), раиси Хадамоти алоқа, Фаттоҳ Саидов (Абдуфаттоҳи Ғоиб), раиси Оҷонсии зидди фасоди молӣ, Бахтиёр Худоёров (Бахтиёр Худоёрзода), раиси дастгоҳи иҷроияи президент, Шарифхон Самиев (Шариф Самӣ), собиқ раиси Қӯрғонтеппа, Гавҳар Шарофова (Гавҳар Шарофзода), раиси Кумитаи забон ва истилоҳот ва Нусратулло Салимов (Нусратулло Файзулло) насаби худро иваз кардаанд.

Ҳазфи пасвандҳои русии “ов”-у “вич” аз ному насаби мансабдорони тоҷик дар пайи даъвати раисиҷумҳур Эмомалӣ Раҳмон дар моҳи марти соли 2007 сурат мегирад.

Мӯҳр

Хабарҳои монанд:

sleksey

Ба хамин ном ивазкуни пешрави шавад. Ман ному насабамро милли мекунам. Номи ман Сергей Иванов аз пагох ному насаби Сергеи Иванзода.

Ҷавоб диҳед Иқтибос Шикоят

Shiller

Onho mansabdorand metvonand 10, 15 bor ivaz kunand. Mardumi oddi chi? hargiz ne.

Ҷавоб диҳед Иқтибос Шикоят

Панчшанбе

Кош бо изваз кардани насб ба мили хамчунин барои пешрафти миллатам хизмат мекардед

Ҷавоб диҳед Иқтибос Шикоят

Ман

Ном иваз кардан инсон иваз намешавад, ,, Озодагон озод боши чоп кун!

Ҷавоб диҳед Иқтибос Шикоят

сомони

Шояд бади иваз кардани ном вичдонаш хам бедор шавад

Ҷавоб диҳед Иқтибос Шикоят

tojik

injo gap dar sari nomhoyatonro tojiki kuned raftesai.na kor.

Ҷавоб диҳед Иқтибос Шикоят

Sadriddin Ayni

Xubast, vale in ideya hanuz dar sari baze az ravshan fikron dar davroni shuravi ba amal omada bud, Sayidabdullohi Nuri,Bozor Sobir,Muhiddin Kabiri va sadho sherbachahoi in millat.
Yane az injo malum meshavad ki shumo az on sher bachoho 20-sol dar ideyai xudshinosi qafoed.

Ҷавоб диҳед Иқтибос Шикоят

аслибегим

мумкин бади иваз кардани ном аклдор ва баинсоф мешавад

Ҷавоб диҳед Иқтибос Шикоят

Эзоҳ илова кунед