12 мар 2014 12:32Оcиёи Марказӣ / Тоҷикистон

Худдории ВАО-и ҳукуматӣ аз гирифтани ҷоизаи идонаи ҲНИТ

Бахши Ҳизби наҳзати исломии Тоҷикистон (ҲНИТ) дар вилояти Суғд мегӯяд, намояндагони ВАО-и ҳукуматӣ аз иштирок дар чорабинии ин ҳизб бахшида ба 102-солагии матбуоти тоҷик худдорӣ кардаанд.

Илҳомҷон Ёқубов, раиси дафтари ҲНИТ дар Суғд, рӯзи 12 март дар суҳбат бо “Озодагон” гуфт, дар ин маҳфили онҳо, ки ба хотири қадрдонӣ аз рӯзноманигорони вилоят ташкил шуда буд, танҳо намояндагони ВАО-и мустақилу хориҷӣ омадаанд.

Ба гуфтаи Ёқубов, ба ин чорабинии онҳо, ки рӯзи 12 март дар бахши суғдии ҲНИТ баргузор шуд, беш аз 30 нафар намояндагони ВАО-и мустақилу ҳукуматии кишвар даъват шуда буданд: “Танҳо ҳамон 15 нафар аз рӯзноманигорони мустақил омаданд ва намедонем ҳукуматиҳо барои чӣ сарфи назар карданд, даъвати моро.”

Илҳомҷон Ёқубов мегӯяд, тамоми рӯзноманигорони ҳузурдошта бо туҳфаҳои хотирмону ҷоизаҳо қадрдонӣ шудаанд.

Ёқубов гуфт, ҳадаф аз баргузории ин чорабинӣ танҳо қадрдонӣ аз заҳмати рӯзноманигорони тоҷик буд, ки дар густариш ва нумуи фарҳанги миллат саҳм мегузоранд: “Ин дафтари ҲНИТ бо ҳама табақоти ҷомеъа, аз ҷумла бо хабарнигорон фаъолият ва ҳамкории наздик дорад ва дар ин замина онҳоро нисбат ба Рӯзи матбуот табрик кард.”

Мӯҳр

Хабарҳои монанд:

123

ВАО давлатиро бе ин хам касе нигох ва гуш намекунад. Онха чи бошанд ва чи набошанд. Протоколи созишномаи сулхи миёни точиконро худи ВАОи давлати поймол карда истодааст. Аз ин хулоса бар меояд, ки давлатдорони хозираи Точикистон шахсони тасодуфи хастанд ва ба манфиати Точикистон амал намекунанд. Мо чосусони давлатхои хоричиро дар барамон гарм кардем. Чосусон алакай дар давлати мо макоми расми доранд.

Ҷавоб диҳед Иқтибос Шикоят

Сарвархуча

Васоити ахбори оммаи мустаъкил бархак падида ва дастовардхои назарраси давлату миллати Точикистонанд.Такрибан 99 фоизи ахоли кишвар махз ба хамин васоити ахбори оммаи мустаъкил ручуъ доранд.Дар шароити чанги иттилоотии минтака ва чахон нашрияхои мустакили кишвар вокеъан сипари боеътимоди давлату миллатанд.Махз андешаи точикият ва то чое сиёсати давлатро онхо ба аудиторияи нисбатан васеъ рохандози мекунанд.Ин накши онхоро нодида гирифтану боз аз хисоби онхо фахр кардан дар сатхи чахони аз курнамакие беш нест.Аклу андеша лозм аст.Аклу андеша!

Ҷавоб диҳед Иқтибос Шикоят

Обунаи ичбори

Хар сол мачбур мекунанд ки то ба 700-800 сомони ба онхо обуна шавем, ба худо ки ягон рузномаи онхоро агар касе варак занад, танхо ба сифати когази ташноб дар хочатхона истифода мешава кош ин вао-и давлатиро умуман бархам медодан- Садои мардум, чумхурият, минбари халк, мароми пойтахт, файзи истиклол ва гайраву хоказ

Ҷавоб диҳед Иқтибос Шикоят

Эзоҳ илова кунед