Шарҳи Оқилзод дар бораи ҷашни Наврӯз ва дигар идҳои миллӣ
Абдуллоҳи Оқилзод, узви Маҷмааи уламои Ҳизби наҳзати исломии Тоҷикистон (ҲНИТ) ҳукми таҷлили идҳои миллиро такя ба сарчашмаҳои фиқҳии шариати Ислом шарҳ додааст.
Оқилзод гуфтааст, ҷашн гирифтани идҳои миллӣ барои пайравони дини Ислом дар сурате раво дониста мешавад, ки дур аз ҳар гуна эътиқоди динию мазҳабии бегона сурат гирад. Ӯ дар мавриди ҷашни иди Наврӯз, мегӯяд, "тибқи мазҳаби Имоми Аъзам агар ин сана ҳамчун ба хотири омадани баҳору расидан ба ин фасли зебои сол таҷлил шавад, раво мебошад."
Вале узви Маҷмааи уламои ҲНИТ дар шарҳи гуфтаҳояш, афзудааст, агар идҳои миллӣ, аз ҷумла Наврӯз дар асоси эътиқоди мазҳабӣ таҷлил шавад, пас ҳатто иштирок дар он ҳаром аст: “Дар иди Наврӯз аз болои оташ ба ин тарафу он тараф ҷаҳида шаваду ҷанг андохтани ҳайвонҳо сурат гирад, ин ҷашн комилан ҳаром ва шахсони ширкаткунанда дар он гунаҳкор мешаванд.”
Оқилзод бо иқтибос аз оятҳои Қуръони кариму аҳодиси паймбар (с) таъкид кардааст, ки Ислом ҳеч гоҳ хурсандию хушҳолӣ дар ғайри рӯзҳо иди Рамазону Қурбонро манъ накардааст.
Шарҳи узви Маҷмааи улами ҲНИТ дар мавриди таҷлили идҳои миллӣ дар ҳолест, ки ахиран ҷавоби Ҳоҷӣ Акбар Тураҷонзода, собиқ қозии мусулмонони Тоҷикистон ва яке аз руҳониёни маъруфи тоҷик дар бораи ҷашни Наврӯз баҳсҳои зиёдеро миёни ҷонибдорон ва мухолифони ин ид ба миён гузоштааст. Ин руҳонии саршиноси тоҷик дар суҳбат бо Оҷонси иттилоотиии “Tojnews.org” гуфта буд, агар Наврӯз ҳамчун иди миллӣ ҷашн гирифта шавад, ҷоиз аст: “Бояд ба урфу анъанаҳои миллӣ эҳтиром гузошта шавад ва Ислом ҳам ҳеҷ вақт ба ин мухолифат надорад.”
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |