29 мар 2014 15:51Тоҷикистон / Дидгоҳи хос

Эрон Муҷониро ҳамчун сафир ба Душанбе мефиристад?

Бархе аз манобеъ мегӯянд, ба эҳтимоли қавӣ, Сайид Алӣ Муҷонӣ сафири ин кишвар дар Тоҷикистон таъйин хоҳад шуд. Муҷонӣ 45 сол дошта, фориғуттаҳсили Донишгоҳи озоди исломии Эрон мебошад.

Ӯ дар гузашта ба ҳайси намояндаи сафорати Эрон дар Фаронса ифои вазифа намуда, забонҳои англисӣ, фаронсавӣ ва арабиро медонад. Муҷонӣ донишманди улуми сиёсӣ ва таърих буда, муаллифи чандин мақолаҳои илмию беш аз 15 китоб, аз ҷумла “Бозсозии таърихи фаромӯшшуда”, “Нахустин Қиблагоҳ”, “Суруди аҳли Бухоро”, “Паймони миллат” ва “Мероси исломии мо” низ ҳаст. Ба қавли манбаи мо, ӯ инчунин бо фазо ва вазъияти Тоҷикистон хуб ошно мебошад.

Эрон яке аз кишварҳое ба шумор меравад, ки нахустин шуда истиқлолияти Тоҷикистонро дар солҳои 90-уми асри гузашта эътироф карду беш аз 20 сол аст, бо Душанбе равобити хуби дипломатӣ ба роҳ мондааст. Дар баробари Русия ва Чин яке аз шарикони стратегӣ ва сармоягузори иқтисоди Тоҷикистон ба шумор меравад. Аммо бо сари қудрати омадани Ҳасан Руҳонӣ, раисиҷумҳури феълии Эрон тӯли беш аз 6 моҳ аст, Теҳрон дар Душанбе сафир надорад.

Масъулини Вазорати умури хориҷии Эрон далели холӣ мондани курсии сафирии ин кишвар дар Душанберо ба ташкилшавии ҳукумати нави худ рабт медиҳанд. Аз соли 2007 ба ин сӯ, ба ҳайси сафири Эрон дар Тоҷикистон Алиасғари Шеърдӯст ифои вазифа мекард, ки бино бар сабаби тамом шудани ваколати дипломатияш дар ибтидои моҳи октябри соли 2013 аз ин симат канор рафт. Дар асл маъмурияти Шеърдӯст ҳанӯз соли 2010 поён ёфт, вале ӯ муҳлати сафирияш дар Тоҷикистонро тамдид карда буд.

Ҳоло сарпарастиии сафорати Эрон дар Душанберо Сайидмаҳмуди Садрӣ бар уҳда дорад.

Мӯҳр

Хабарҳои монанд:

тоҷ

агар турк боша сафир мешава чун сиёсати эрон тавре аст, ки дар Тоҷикистон ва Афғонистон ҳатман бояд сафиронаш турк бошанд

Ҷавоб диҳед Иқтибос Шикоят

Мохаммад

Это очень хорошо

Добрая весть
Мохаммад

Ҷавоб диҳед Иқтибос Шикоят

Хонанда

Салом, Озодагон. МУЧОНИ хато аст. Агар аз вожаи МАЧЧОН - РОЙГОН бошад, бояд МАЧЧОНИ (бо ду "ч") навишта шавад. Вале агар аз вожаи МАВЧ бошад (ки эхтимолан хамин тавр аст), бояд МАВЧОНИ навишта шавад. Эронихо маъмулан хангоми талаффузи хама гуна харфи "вов"-и маскуна (сокиндор, бехаракат), кабл аз он харакати "замма" ("у") мегузоранд. Мисол: мууч (мавч), дуур(давр), фуур(фавр), суур(савр), шуук(шавк), зуук(завк)..... Пас ин чаноб хам бояд МАВЧОНИ бошад дар талаффузи точикона ва форсиёнаи дуруст, на лахчаи шикастаи техрони. Шуморо эхтимолан хамин тарзи шунидаатон аз расонахои эрони ба иштибох андохтааст. Мутаассифона сайти точикии " Би-Би-Си" аз ин гуна иштибоххо хангоми баргардон аз форси пур аст. Бечора Англия намедонад, фунтхояш бархадар мераванду точик максадхои истеъморгаронаашро нафахмида мемонад...

Ҷавоб диҳед Иқтибос Шикоят

Эзоҳ илова кунед