Ҳукумати Исфара: Оби нӯшокии сокинони Оқсойро касе қатъ накардааст
Мақомоти ноҳияи Исфара мегӯянд, тақсимоти об миёни минтақаҳои марзии Тоҷикистон ва Қирғизистон таҳти назорат қарор дошта, хабарҳо дар мавриди бе оби нӯшокӣ мондани бархе аз деҳаҳои ҳамсоякишвар асоси воқеӣ надоранд.
Манбаи “Озодагон” дар ҳукумати Исфара рӯзи 10 апрел гуфт, тамоми масъалаҳои марзӣ миёни Тоҷикистону Қирғизистон, аз ҷумла тақсимоти об ҳалли худро ёфтаанду ин гуна хабарҳо ҳангомае беш нестанд.
Ӯ мегӯяд, “бар асоси қарордоди байниҳукуматии ду кишвар об ба мисли пешин тақсим шуда истодааст ва дар фасли зимистон азбаски сокинони кишвар ба об кам ниёз доранд, ҳатто ҳаққи худро низ ба ҳамсоякишвар медиҳанд. Аммо бояд, гуфт, табиист, ки бо фарорасидани фасли баҳор ва оғоз шудани кишту кор дубора ҳаққи худро мегиранд.”
Ин дар ҳолест, ки бархе расонаҳои қирғизӣ аз қавли Эркин Жолчиев, раҳбари деҳаи Оқсой Қирғизистон хабар додаанд, ки гӯиё оби нӯшокии онҳоро сокинони Ворух қатъ кардаанду ба гуфтаи ӯ, ҳоло деҳаҳои Оқсой, Ҷанӣбек ва Самарқандаки ноҳияи Бодканд бе об мебошанд.
Аммо манбаи мо афзуд, ки ингуна хабарҳо баъзан барои дубора ба сарди гароидани муносибати Тоҷикистону Қирғизистон аз сӯи гуруҳҳои манфиатдор пахш мешаванд: “Ба ин гуна хабарҳо набояд бовар кард, ин ҳама ҳангома мебошад, ки мехоҳанд, муносибати ду кишварро дубора бад созанд.”
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |