Моликияти хусусӣ дар Тоҷикистон ҳимоя мешавад?
Абдулқаюм Юсуфов, ҳуқуқшинос:
Таври маълум ва ба навиштаи расонаҳои хабарӣ тайи чанд моҳи ахир моликияти Зайд Саидов, соҳибкори муваффақи тоҷик, ки алъон дар зиндон аст, идома дорад. Ҳамчунин, додгоҳи шаҳри Турсунзода ба баррасии қазияи бозори марбут ба хонаводаи Муҳиддин Кабирӣ, райиси ҲНИТ шурӯъ кардааст. Албатта, Сарқонуни кишвар кафолати ҳуқуқи фаъолияти соҳибкорӣ ва ҳимояи моликиятро медиҳад. Аммо ба далели ин ки аз моликият ин гуна шахсонро маҳрум мекунанд, аз нигоҳи ҳуқуқӣ хеле хандаовар аст. Зеро, қонун муаяйн кардааст, ки мӯҳлати даъво барои сармоя ва моликият чӣ қадар аст. Аммо мо мебинем, он моликияте, ки имрӯз ҳокимияти додгоҳӣ мехоҳад, мусодира кунад ё кардааст, он бештар аз 10 сол мебошад, ки фаъолият дорад. Яъне ҳама гуна даъво барои ин моликият ғайримантиқӣ ва ғайриҳуқуқӣ аст.
Бояд зикр кард, ки мусодираи моликияти соҳибкорон имиҷиТоҷикистонро дар арсаи байналмиллалӣ поён мебарад ва ба дубора ба даст овардани он ба назари ман хеле мушкил аст.
Маҳмадшариф Нозимов, вакили МН:
Ман ҳамчун шаҳрванди Тоҷикистон метавонам бигӯям, ки Сарқонуни мо кафолати ҳимояи сармоя ва соҳибкориро додааст. Дар сурати нақзи қавонин дар мавриди моликият ва кафолати он, шаҳрвандон метавонанд, ба додгоҳ муроҷиат намоянд. Ҳеч шахсе ҳаққи баҳогузорӣ кардан аз натиҷаи додгоҳро надорад. Ман кафили он шуда наметавонам, ки додгоҳҳои мо комилан ҳукми одилона ва воқеъӣ мебароранд. Дар мавриди ҳифзи ҳуқуқи моликият шахси норизо аз ҳукми додгоҳ метавонад ба додгоҳи дигар шикоят бубарад. Ҳукми додгоҳро танҳо додгоҳ метавонад, бекор кунад. Мо шубҳа набояд кунем. Агар ҳар номутахассисе дар ин маврид назари худро гӯяд, дар ҷомеа бесарусомонӣ мешавад.
Константин Бондаренко, роҳбари маркази “Бозори озод”:
Расман ҳуқуқи ҳифзи моликиятро дар Тоҷикистон касе дода наметавонад. Ба хусус вақте ҳокимияти додгоҳӣ аз ҳокимияти иҷроия вобаста аст. Аснои ин мушкилӣ танҳо бояд ба додгоҳ шикоят бурд. Воқеъияти кишварро дидаву дониста сухане аз мавҷудияти ҳуқуқи соҳибмулк гуфтан, андешаи содалавҳона хоҳад буд. Шохисҳои аслие ҳастанд, ки тибқи он кафолати сармоя муаяйн карда мешавад. Барои мисол, дар бисёреаз кишварҳо чунин нест, ки бо боз шудани парвандаи ҷиноӣ моликияти шаҳрвандро комилан мусодира намоянд. Аммо дар қонугузорӣ ва дар низоми додгоҳии мо ин як падидаи маъмулӣ шудааст. Чунки агар парвандаи додгоҳӣ дар нисбати ду соҳибкор ва шаҳрвандӣ одӣ бошад, мо метавонем дар мавриди ҳукми одилонаи додгоҳ ҳадс бизанем. Вале агар парвандаи додгоҳӣ миёни соҳибкор ва нафари наздик ба ҳукумат бошад, 90 дарсад кафолат аст, ки додгоҳ бо чӣ натиҷа анҷом меёбад. Дар маҷмӯъ, бо нақзи қонуни ҳуқуқ ба моликият мақомот барои сармоягузорони хориҷӣ аз номусоид будани фазо дар Тоҷикистон ҳушдор медиҳанд.
Агар Шумо низ хонандаи азиз назар ё гуфтание дар ин бора доред, метавонед, ироа кунед. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
