Номаи хонандаи маъюби "Озодагон" барои дарёфти кумак
Яке аз хонандагони “Озодагон” бо номи Абдурашид Сафаров бо ирсоли номае ба унвонии хабаргузорӣ аз маъюб будани худу ба табобати ҳамешагӣ шадидан ниёз доштанаш хабар дода, аз афроди саховатпеша дархости кумак кардааст. Ин номаи корбари “Озодагон” аст:
“Сокини ноҳияи Фархор мебошаму 23 сол дорам. Маъюби дараҷаи якум ҳастам ва гирифтори бемории устухоншикан - “несовершенный остеогенез” мебошам. Дар оилаи муаллим модарзод гирифтори ин беморӣ ба дунё омадаам, ки падарам низ ҳоло маъюби дараҷаи 2-юм аст. Азбаски дар оила ду маъюбему бо маоши ночизи муаллимии падарам зиндагӣ дорем, шароити оилавиамон он қадар хуб нест. Бо мушкили иқтисодӣ сахт рӯбарӯ ҳастем. Ин дар ҳолест, ки банда ҳамеша таҳти табобати доимӣ қарор дорам ва барои пешгирӣ аз шикастани устухонҳоям бояд доруҳоро дар вақташ истеъмол кунам.
Чи тавре мегӯянд, ноумед шайтон аст, банда ҳанӯз бовариамро дар мавриди вуҷуд доштани шахсиятҳои саховатманду дастгири миллати тоҷик зинда мебошанд ва ҳамеша дастёри афроди маъюби ба мисли ман ҳастанд. Аз замони ба дунё омаданам то ба имрӯз беш аз 40 бор устухони узвҳои гуногуни баданам шикастааст.
Албатта, ин беморӣ ба қавли табибон табобат дораду ин гуна табобатҳо дар Исроил ё Олмон сурат мегирад, ки ба онҷо рафтаву табобат гирифтан, аз имконоти мо берун аст. Аммо барои гирифтани табобати бардавом барои пешгирӣ аз шикастани устухонҳоям ҳар моҳ ба 200 сомонӣ ниёз дорам. Шукри Худо аз соли 2011 ба ин сӯ, аввалан раҳмати Худованду баъдан аз сабаби истеъмоли бардавоми доруҳо боре устухонам нашикастааст. Қаблан аз ҳамаи Шумо азизон, ки зиндагӣ бо дӯстону атрофиёни накукор хуш аст, миннатдор ва сипосгузорам.
Абдурашид Сафаров,
Фархор”
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |