15 ҳазор сомонии шаҳрдорӣ ба беҳтарин нозири минтақавӣ
Шаҳрдории Душанбе дар пайи як озмуни худ нозирони минтақавии беҳтарини сол дар пойтахтро муайян карда, ба онҳо аз 10 то 15 ҳазор сомонӣ мукофотпулӣ додааст. Ба иттилои манбаъ, дар ин озмун Муродмад Калонов - подполковники милиса, сардори минтақаи маъмурии милитсияи №26-и шуъбаи Вазорати умури дохилӣ-2-и ноҳияи Синои пойтахт ҷойи аввалро соҳиб шудааст.
Мақоми дуюм насиби Ҳокималӣ Маҳмудов - майори милиса сарнозири минтақаи маъмурии милитсияи №7 дар ноҳияи Шоҳмансур ва ҷойи сеюмро Саидмуҳаммад Акобиров - лейтенанти калони милиса сарнозири минтақаи маъмурии милиса №15-и шуъбачаи ҳифзи тартиботи ҷамъиятии шуъбаи Вазорати умури дохилии ноҳияи Фирдавсии шаҳри Душанбе ишғол кардааст.
Инчунин, ба ғолибони озмун шаҳодатномаи мақомоти иҷроияи маҳаллии ҳокимияти давлатӣ дар шаҳри Душанбе бо сабти ному насаб, соли озмун ва навиштаи "Беҳтарин нозири минтақавии сол" бо имзои Раиси шаҳри Душанбе супорида шудааст. Шаҳрдорӣ мегӯяд, ҳадаф аз баргузории чунин озмун, “баланд бардоштани нақши нозирони минтақавии милитсия дар таъмини тартиботи ҷамъиятӣ, амнияти шаҳрвандон, ошкор ва пешгирии ҳуқуқвайронкунию мубориза бо ҷинояткорӣ ва таҳкими робитаи онҳо бо ҷомеа дар пойтахт мебошад.”
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |