ВИДЕО: Изҳороти Шукурҷон Зуҳуров зидди Созмони Амнияту Ҳамкорӣ дар Аврупо (ОБСЕ)
Ҳумайрои БАХТИЁР
Шукурҷон Зуҳуров, раиси Маҷлиси Намояндагони Тоҷикистон, дар ҷаласаи 24 апрел ҳангоми баҳсҳо дар бораи тарҳи пешниҳодии ҲНИТ гуфт, “ба умеди ОБСЕ (САҲА) нашавед”. Оқои Зуҳуров ин ҳарфҳоро вақте ба забон овард, ки Муҳиддин Кабирӣ, раиси ҲНИТ ва вакили парлумон, изҳор дошт, ҳангоми таҳияи тарҳи пешниҳодиашон эроду тавсияҳои Созмони Амният ва Ҳамкорӣ дар Аврупо (ОБСЕ)-ро низ ба назар гирифтаанд.
Раиси Маҷлиси Намояндагон дар идома афзуд, “як камтар таҳлил кунед, дар куҷое, ки дасти онҳо то охир буд, дар он ҷо ҳеч вақт на тинҷӣ буд, на оромӣ буд ва на демократия буд. Ин як. Дувум ҳамин аст, ки ҳар як минтақа, мардум ва миллат менталитет, шароит ва таърихи худашонро доранд.” Шукурҷон Зуҳуров гуфт, бовар дорад, ҳарфҳои ӯ дар дохили парлумон намемонанд, вале бо ин ҳол таъкид кард, ки ин нуқтаи назари ӯст.
Нозирони Созмони Амният ва Ҳамкорӣ дар Аврупо ахиран интихоботи моҳи ноябри соли гузаштаи Тоҷикистонро назорат ва чанде пештар хулосаву тавсияҳояшонро пешниҳод карданд. Онҳо интихоботи президентиеро, ки бо пирӯзии Эмомалӣ Раҳмон анҷом ёфт, интихоботи бидуни рақобат дониста, барои шаффофу озодтар гузаштани чунин маъракаи муҳим ба ҳукумат беш аз 30 тавсия доданд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |