Эълони натоиҷи 90%-и овозҳо ва пешсафии доктор Абдуллоҳ дар интихобот
Кумисюни мустақили интихоботи Афғонистон бо эълони натоиҷи ҳудуди 90%-и овозҳои раъйдиҳандагон ҳамоно аз пешсаффии доктор Абдуллоҳ Абдуллоҳ дар интихоботи президентии ин кишвар хабар медиҳад. Ба иттилои ин ниҳод, доктор Абдуллоҳ бо ба даст овардани 43,7 дарсади оро миёни рақибонаш дар интихоботи президентии Афғонистон пешгом аст.
Масъулини Кумисюни интихоботи Афғонистон, ки зимни як нишасти хабарӣ дар ин бора иттилоъ медоданд, гуфтанд, онҳо ҳоло натоиҷи 82, 59 дар сади ороро эълон медоранду натоиҷи ниҳоии интихоботи рӯзи 26 апрел муайян хоҳад шуд.
Ба гуфтаи онҳо, ҳоло Ашраф Ғанӣ Аҳмадзай бо ба даст овардани 33,8 дарсади оро дар мақоми дуюм қарор дошта, Зулмай Расул 11, 1 дарсад раъйро соҳиб шудааст. Ин дар ҳолест, ки Кумиссиюни интихоботии Афғонистон қаблан дар пайи эълони натоиҷи ҳудуди 50%-и оро гуфта буд, Абдуллоҳ ҳудуди 44,4 дарсади раъйи мардумро ба даст оварда, рақибони аслии Абдуллоҳ - Ашраф Ғанӣ Аҳмадзай 33,2 ва Залмай Расул наздики 10,4 дарсади овозҳоро соҳиб гардидааст.
Ин ниҳоди Афғонистон изҳор доштааст, ки пешбинии натоиҷи интихоботи президентии кишвараш бисёр мушкил мебошад. Ҳарчанд бар асоси гузоришҳои ғайрирасмӣ доктор Абдуллоҳ ва Ашраф дар ин интихобот пешсафанд, онҳо гуфтаанд, агар дар марҳаллаи аввал барандаи интихобот дақиқ нашавад, барои рафтан ба марҳаллаи дуюми интихобот омода мебошанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |