Cафири Тоҷикистон дар Ашқобод нусхаи эътимодномаашро супурд
Маҳмудҷон Собиров, сафири нави Тоҷикистон дар Ашхобод нусхаи эътимодномаашро ба Вазорати умури хориҷии Туркманистон супурдааст.
Бино ба иттилои дафтари матбуотии Вазорати умури хориҷии Туркманистон, расми супурдани нусхаи эътимоднома дар мулоқоте бо ҳузури вазири хориҷии он кишвар сурат гирифтааст.
Маҳмудҷон Собиров зимни суханронӣ ба зарурати таҳкими ҳамкориҳои Тоҷикистону Туркманистон дар бахшҳои мухталиф таъкид намудааст. Ӯ афзуда, ки ба ҳайси сафир барои роҳандозии муколамаҳои байнидавлатии судманд талош хоҳад кард.
“Ҷонибҳо масоили ҳамкориҳои Душанбеву Ашхобод дар самтҳои сиёсӣ, иқтисодӣ ва фарҳангиро ба баррасӣ гирифтаанд. Таваҷҷуҳи бештар ба масъалаи роҳандозии тарҳи роҳи оҳани Туркманистон-Афғонистон-Тоҷикистон зоҳир шуд”,-хабар додааст манбаъ.
Маҳмудҷон Собиров, ки дар гузашта муовини вазири умури хориҷии Тоҷикистон буд бо як фармони президент дар симмати сафири Тоҷикистон дар Туркманистон Абдураҳим Ашӯр, вазири собиқи нақлиёти Тоҷикистонро иваз намуд. Абдураҳим Ашӯр тайи панҷ соли охир дар курсии сафирӣ менишаст ва ба нафақа гусел карда шуд.
Маҳмудҷон Собиров 7 майи соли 1951 ба дунё омада, рутбаи дипломатии сафири фавқулодда ва мухтори ҷумҳурии Тоҷикистонро дорад.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |