Ҳамоиш дар Саудӣ ва ноқаноатмандии Муҳаммад Тувайҷирӣ
Муҳаммад Тувайҷирӣ, ноиби Дабири кулли Лигаи кишварҳои араб оид ба умури иқтисодӣ табодули тиҷорат миёни давлатҳои арабӣ ва ҷумҳуриҳои Осиёи Марказиро ғайриқаноатбахш хондааст. Ӯ гуфтааст, бо вуҷуди имкониятҳои зиёд ҳанӯз ҳам табодули тиҷорат миёни ин кишварҳо “хеле суст” ба назар мерасад.
Ба гуфтаи Тувайҷирӣ, гардиши солонаи тиҷоратӣ байни кишварҳо ҳамагӣ 10 миллиард долларро ташкил медиҳад. Ин ҳам дар ҳолест, ки ба қавли ӯ, дар робита фурсатҳои зиёд барои ҳамкориҳои муштарак ва имконияти рушди он дар ояндаи наздик вуҷуд дорад.
Тувайҷирӣ, ки дар ин бора дар мусоҳибааш бо шабакаи телевизионии “Ал-Арабия” дар ҳошияи Анҷумани иқтисод ва ҳамкориҳои кишварҳои арабӣ бо ҷумҳуриҳои Осиёи Миёна ва Озарбойҷон суҳбат мекард, таъкид дошт, ҳадафи Анҷуман тавсеаи муносибатҳо ва устувор кардани ҳамкориҳо байни кишварҳои арабӣ ва ҷумҳуриҳои мусулмонишини Осиёи Марказӣ мебошад.
Анҷумани мазкур рӯзҳои 13 ва 14-и моҳи май дар шаҳри Риёзи Арабистони Саудӣ бо ширкати вазирони умури беруна, иқтисод ва молияи кишварҳои мусулмоннишини Осиёи Марказӣ ва давлатҳои узви Лигаи кишварҳои арабӣ баргузор шуда, дар ҷараёни он қарор аст, созишномаҳои ҳамкорӣ дар бахшҳои сиёсӣ, иқтисодӣ, фарҳангӣ ва илмӣ байни ин кишварҳо ба имзо мерасад.
Маврид ба зикр аст, ки Сироҷиддин Аслов, вазири умури хориҷии Тоҷикистон низ дар садри як ҳайат ба хотири иштирок дар ин анҷуман рӯзи 11 май озими Арабистони Саудӣ шуда буд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |