Зариф Ализода дар Маҷлиси Намояндагон қасам хӯрд, ки...
Зариф Ализода, ки барои панҷ соли дигар Омбудсмен ва ё Ваколатдор оид ба ҳуқуқи инсон таъин гардид, рӯзи 21 май дар ҷаласаи навбатии парлумон қасам ёд кард. Ӯ дар ҳузури вакилони мардумӣ гуфт, дар тӯли фаъолияташ ҳуқуқи сокинони кишварро софдилона ҳимоят хоаҳд кард.
“Савганд ёд мекунам, ки ҳуқуқу озодии инсон ва шаҳрвандонро ҳимоя намуда, уҳдадориҳои ба ман ҳамчун ваколатдор додаро дар асоси Сарқонун ва дигар қонунҳои кишвар бовиҷдонона ва содиқона иҷро менамоям”,-таъкид дошт ӯ.
Вакилони Маҷлиси Намояндагон, палатаи поёнии парлумони Тоҷикистон, дар ҷаласаи рӯзи 14 майи худ ризоият дода буданд, ки Зариф Ализода барои панҷ соли дигар дар мақоми Омбудсмен ё Ваколатдори ҳуқуқи инсон бимонад. Пешниҳоди дар ин мақом боқӣ мондани оқои Ализода аз сӯи Эмомалӣ Раҳмон -- раисиҷумҳури Тоҷикистон сурат гирифтааст.
Зариф Ализода аз соли 2009 ба ин сӯ ваколатдор оид ба ҳуқуқи инсон дар Тоҷикистон аст. Ваколатдор бо ризоияти Маҷлиси Намояндагон ба мӯҳлати 5 сол аз тарафи президент таъин карда мешавад. Ализодаи 52-сола зодаи ноҳияи Ҷалолиддини Румӣ (Колхозободи собиқ) буда, пеш аз таъин шуданаш ба мақоми Омбудсен ба ҳайси раиси Додгоҳи конститутсионӣ ва мушовири давлатии раисиҷумҳур оид ба сиёсати ҳуқуқӣ кор кардааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |