Оғози гуфтушуниди Бишкеку Душанбе дар бораи харидории нерӯи барқ
Ҳукумати Қирғизистон мегӯяд, гуфтушунид бо ҳукумати Тоҷикистон дар бораи харидории неруи барқ аз ин кишварро оғоз кардааст. Ҷоомарт Оторбаев, нахуствазири Қирғизистон, рӯзи 20 май дар ҷаласаи парлумонӣ дар ин бора хабар додааст.
Ӯ гуфтааст, "дар ҷануби Қирғизистон ҳамоно мушкили гази табиӣ вуҷуд дорад, ки ҳоло яке аз мавзуъҳои меҳварӣ мебошад. Аз ширкати “УзТрансГаз” то ҳол ҷавобе нагирифтаем. Набудани гази табиӣ боис ба истифодаи зиёди нерӯи барқ дар ин минтақа шудааст ва мо дар ин робита ба харидории барқ аз Тоҷикистон бо ҳукумати ин кишвар гуфтушунидро оғоз кардаем."
Ин дар ҳолест, ки қаблан низ Бактигул Баетов, котиби матбуотии Вазорати энержӣ ва саноати Қирғизистон, гуфта буд, ин ниҳод тасмим дорад, бо ҳамтоёни тоҷики худ дар масъалаи харидори неруи барқ аз Тоҷикистон гуфтушунидро ба роҳ монад.
Ӯ изҳор дошта буд, ки дар рӯзҳои наздик гуфтушунид миёни мақомоти тоҷику қирғиз оид ба интиқоли 500 миллион киловатт соат нерӯи барқ аз Тоҷикистон ба Қирғизистон баргузор хоҳад шуд. “Яъне, мехоҳем, аз Душанбе ин миқдор нерӯи барқро харем, чун онҳо дар фасли тобистон барқи зиёдатӣ доранд”,-афзуда буд, Баетов.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |