Русский  >>  فارسی  >>  Панҷшанбе 25 апрел 2019, 01:07

Ҳалокати се марзбони туркман аз дасти ҷангиёни Афғонистон

28 май 2014, 12:18

Дар пайи як даргирӣ дар марзи муштараки Туркманистону Афғонистон се сарҳадбони туркман кушта шудааст.

Бино ба иттилои расонаҳо, ин ҳодиса дар наздикии маҳаллаи Мурғоби Болои музофоти Бадгиси Афғонистон ба вуқӯъ пайвастааст. Гуфта мешавад, сарҳадбонҳо 24 май кушта шудаанд, аммо ин хабар танҳо имрӯз расонаӣ шудааст. Асил Хон, як масъули ноҳияи Гормачи Афғонистон ба “Азатлык” гуфтааст, бино ба иттилои дарёфтӣ “як гуруҳи мусаллаҳ зери раҳбарии Ғуломдастагир Топан аз рустои Аказай марзи давлатии Туркманистонро убур мекунанд ва се сарҳадбонро паронда, ду автомат ва як пулеметро ғанимат бардоштаву ба қафо бармегарданд”. Аммо Бозорбой Кабаев, консули Туркманистон дар Мазори Шариф аз чунин як қазияи изҳори беиттилоӣ кардааст.

26 феврали соли равон ҳам як гуруҳи мусаллаҳ аз қаламрави Афғонистон тавассути ноҳияи Мукури Бадгис марзи Туркманистон убур намуда, 3 марзбони туркманро кушта буданд.

Афғонистону Туркманистон 744 километр марзи муштрак доранд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!