Бобоназарова, Фелалиев ва Ҷалилов дар бораи заминаҳои тирпаронии 21 май
Аз тирпаронӣ дар Хоруғ, маркази Бадахшон, ки панҷ кушта ва чандин захмӣ боқӣ гузошт, ҳашт рӯз гузашт. Дар ин муддат кумисюни муштарак барои таҳқиқи ҳодиса ба кори худ оғоз карда, вале то кунун хулосаашро баён надоштааст. “Озодагон” аз Ойниҳол Бобоназарова -- раҳбари созмони “Перспектива+”, Акрамшо Фелалиев – вакили парлумон ва Комёб Ҷалилов – коршиноси умури амниятӣ пурсид, заминаҳои ҳодисаи 21 майи Хоруғ чӣ буд?
Ойниҳол БОБОНАЗАРОВА:
“Ҳодисаи Хоруғ ин баёнгари заъфи ҳукумати Тоҷикистон аст. Ҷавоби онро на давлат ва на институти ҷомеаи шаҳрвандӣ дода наметавонад. Ҷиҳати дубора роҳ надодан ба ин иштибоҳ ҷомеаи шаҳрвандӣ ва ҳукумат бояд ҷиддӣ барои бартараф кардани фасод дар мақомоти давлатӣ, ба хусус бахши ҳифзи ҳуқуқ, ҳамкорӣ намоянд. Агар ин мушкил бартараф нашавад, касе наметавонад кафолат (тазмин) бидиҳад, ки он ҳодисаи ду соли қабл такрор мешавад ё на. Мардум эътимоди худро ба ҳукумат аз даст медиҳад, чун ҳукумат барои мардум аст, на мардум барои ҳукумат. Агар мардуми Хоруғ хостори иваз кардани мансабдорони давлатӣ ҳастанд, ҳукумат бояд ин хоҳиши мардумро иҷро намояд.”
Акрамшо ФЕЛАЛИЕВ:
“Дар мавриди ҳодисаҳои Хоруғ бо изҳороти расмии Вазорати умури дохилии кишвар тарафдор мувофиқам. Тамоми нуктаҳои изҳороти ин вазоратро дар мавриди заминаи ҳодисаи Хоруғ дастгирӣ мекунам. Кумисюни муштарак бо ширкати фаъолони ҷомеаи шаҳрвандӣ ва мақомоти Тоҷикистон низ таъсис ёфт. Ҷавоби дақиқро ин кумисюн дар рӯзҳои наздик пайдо хоҳад кард.”
Комёб ҶАЛИЛОВ:
“Бемасъулиятӣ буд. Бемасъулиятӣ ҳис кардани мақомоти маҳаллӣ. Онҳо ҳеч дарси ибрат нагирифтанд. Айнан воқеаи ба ин монанд дар соли 2012 буд. Онҷо террор буд, инҷо тир паронданд. Наход ҳеч имконияти берун бурдани ин воқеа аз шаҳр набуд. Наход ҳеч имкон набуд, ки то бо дигар роҳ дастгир кунанд. Ё имконият набуд? Буд! Ин бемасъулиятии мақомотро нишон медиҳад. Соли 2012 террор буд. Ин навбат дар бинои милитсия ва идораи амният норинҷак андохтанд. Ин терроризм бояд беҷавоб намонад. Ҳодисаи 2012 низ то ба охир мавриди омӯзиш қарор нагирифт. Агар ин ҳодиса ҳам ба монанди соли 2012 муаллақ монад, чӣ мешавад? Ҷинояткор бояд ҷазо дода шавад. Қонуну қоида бояд ба назар гирифта шавад. Бояд бигӯянд, ки тибқи қонун мақомот кай ва чӣ ҳақ дорад, то аз силоҳ истифода кунад. Ҳар кас бояд масъулиятро бидонад.” Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
