Ширкати ҳавопаймоии « Тоҷик Эйр» парки тайёраҳои худро бо ҳавопаймоҳои Sukhoi Superjet-100 ғанӣ месозад.
Тибқи иттилои хадамоти матбуотии ширкати мазкур, созишнома оид ба харидории 4 ҳавопаймои Sukhoi Superjet-100 аз ҷониби директори генералии ҶСК «Тоҷик Эйр» Музаффар Исоќов ва президенти ҶСП «Гражданские самолёти Сухого» Владимир Присяжнюк дар шаҳри Москва дар доираи намоишгоҳи байналмилалии ҳавопаймоиву кайҳонии МАКС-2011ба имзо расид. Мутобиқи санади номбурда ҳавопаймоҳо ба лизинги молиявӣ гирифта шуда, нахустин ду ҳавопаймои Sukhoi Superjet-100 соли 2013 вориди Душанбе мешаванд. Ҳавопаймоҳои Sukhoi Superjet-100 (LR) дар хатсайрҳои ҳавоии то 4500 км тӯлдошта истифода шуда, дорои 98 ҷои нишаст мебошанд. Ҳавопаймоҳои мазкур, ки аз ҷиҳати иқтисодӣ самарaнок арзёбӣ мешаванд, минбаъд ҳавопаймоҳои «Ту-154»-ро иваз хоҳанд кард.
Мӯҳр