Эшони Маҳмудҷон “фиктивный брак”-ро раво донист, ба шарте ки...
Эшони Маҳмудҷон, руҳонии шинохта ва яке аз бародарон Тӯраҷонзодаҳо, “ақди сохта” ё “фиктивный брак”-и муҳоҷирони корӣ бо занону духтарони русро ба хотири ба даст овардани шаҳрвандии Русия раво хондааст.
Ин руҳонии маъруфи тоҷик дар посух ба суоли яке аз муҳоҷиронии кории тоҷик дар Русия дар торнамои Turajon.org гуфтааст, “аз сабаби зарур будани ин ақд барои ба даст овардани шиноснома ҷоиз аст.”
Аммо Тӯраҷонзода дар шарҳи гуфтаҳояш таъкид кардааст, бастани ақди сохта бо зани русе маънои онро надорад, ки ӯ дар никоҳи Шумо ворид шудаасту ҳамсаратон маҳсуб мешавад. Ба гуфтаи Эшони Маҳмудҷон, барои пайравони дини Ислом кардани никоҳ шарт мебошад, чун ақд (загс)-и имрӯза, ба номи қонун оғоз мешавад ва дар шариати исломӣ муътабар нест: “Дар шариати Ислом никоҳ ва талоқи исломӣ муътабаранд.”
Ин фатвои Тӯраҷонзода дар ҳолест, ки ҳоло дар Русия бар асоси омори ғайрирасмӣ беш аз 1 миллион сокини Тоҷикистон ба ҳайси муҳоҷири меҳнатӣ ба сар мебаранд ва дар пайи пурзӯр шудани қавонини будубош дар қаламрави ин кишвар фаъолият ва пайдо кардани ҷойҳои корӣ хеле мушкил шудааст. Доштани шиносномаи Русия барои муҳоҷирони корӣ дар ҳама соҳа аз манфиат холӣ набуда, ҳангоми қабул ба кору муайян кардани музди меҳнат афзалиятҳои худро дорад. Аз ин рӯ, бархе аз муҳоҷирони корӣ бо духтарону занони рус “ақди сохта” карда, барои ба даст овардани шаҳрвандии Русия талош мекунанд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |